Impiya na Dios Iray Ananak

1. No sikay sakey lan ateng,

lanang mo komon iyan nonoten.

Saray anak impiyad ateng,

kanian komon pabpablien.

Regalo nen Aman Jehova;

Inter to ra lapu ed aro to.

Walay bilin to ed atateng,

marunong da ran pabalegen.

2. Saray ganggan nen Jehova,

unona et ipapusom iya.

Insan ipurek ed anak yo,

satay betang yon inter to.

Legay panakar yo itongtong,

no ondukol, tan no akayurong.

Komon mansiansia ran matoor,

dia ed panakar na panaon.