Say Alimbawa na Dios ed Pangaro

1. Jehova ya Dios​—ehemplod pangaro,

giya toy tumboken.

Amin ya ginawa to lapud aro.

On, aralen tan aligen.

Inter toy Anak to ya inar-aro

ta pian naperdona to ray totoo.

Sankabalegan iyan panangaro.

On, say dalan na Dios et aro.

2. No aligey Dios et tua so aroan,

ombiskeg ni itan.

Anggan abayag o balo labat ni

diad katuaan et tulongan.

Dios so aroen tan saray agagi,

ta no Dios labat et agmet nayari.

Manperdonaan, agla mansisinti

tan pruebaay aroan tayo.

3. Nankakasakey tayo lapud aro,

inggapoy Dios tayo.

Mangiimbitay Aman walad tawen:

“Tuan aroan so tawayan.”

Naliknay liket tan tua ya ulopan,

nagmaliw tayon sakey ya pamilya.

Salita na Dios so mangigigiya.

Tuan si Jehova’n Dios et aro.