Eskedyul ed Simba na Mayo 17

SIMBA NA MAYO 17

Kanta 49

□ Panagaral na Kongregasyon ed Biblia:

cf kap. 4 ¶19-24, kahon ed p. 45

□ Teokratikon Eskuelaan Parad Ministeryo:

Babasaen ed Biblia: 2 Samuel 9-12

No. 1: 2 Samuel 10:1-12

No. 2: Akin et Imbase nen Jesus ed Kasulatan Iray Bangat To? (Juan 7:16-18)

No. 3: Antoy Ibabaga na Biblia Nipaakar ed Panggawa na Saray Imahen Pian Usaren ed Panagdayew? (rs p. 183 ¶1-4)

□ Pantitipon Parad Panagserbi:

Kanta 12

5 min: Saray Pakabat.

10 min: Kasin Makapan-auxiliary Payunir Ka ed Ontumbok Iran Bulan? Pantongtongan a kaiba iray dumerengel. Repasoen ed antikey iray pahina 112-113 na libron Organisado a ditan nidalatdat iray kakaukolanen. Pankomentoen iramay nan-auxiliary payunir legan na bakasyon da’d eskuelaan odino diad trabaho nipaakar ed saray bendisyon a nanggayagaan da.

10 min: Saray Metodo ed Pangipulong na Maong a Balita​—Impormal a Panagtasi. Pantongtongan a kaiba iray dumerengel so libron Organisado, pahina 101, parapo 2, anggad pahina 102, parapo 2. Paisalaysay odino paidemostra so sakey odino duaran maabig ya eksperiensya ed lugar yo nipaakar ed impormal a panagtasi.

10 min: “Kaukolan a Manpikasi Iray Kristianon Ministro.” Pantongtongan panamegley na tepet tan ebat.

Kanta 67

Kaukolan a Manpikasi Iray Kristianon Ministro

1. Antoy kaukolan pian nasumpal tayoy ministeryo tayo?

¹ Agtayo sarag a sumpalen so ministeryo diad dilin pakayari tayo. Iikdan itayo nen Jehova na biskeg pian nagawaan iyan kimey. (Fil. 4:13) Uusaren to iray anghel pian tulongan itayon naromog iray mauyamon totoo. (Apo. 14:6, 7) Si Jehova so mamapabaleg ed saray bini na katuaan ya intanem tan sinalog tayo. (1 Cor. 3:6, 9) Talagan importante sirin a manmatalek tayo ran Kristianon ministro ed Ama tayo’d tawen panamegley na pikakasi!

2. Antoray ipikasi tayo?

² Ipikasi so Inkasikatayo: Nepeg tayon manpikasi kada no manpulong itayo. (Efe. 6:18) Antoray ipikasi tayo? Nayari tayon ipikasi a magmaliw itayon makpel tan positibo ed totoon nakatongtong tayo’d teritorya. (Gawa 4:29) Kerewen tayo’d si Jehova ya iwanwan to itayo ed maptek-impanpuson totoo a naiyaralan tayoy Biblia. No walay tepet na unabung, manpikasin makalna tan antikey, a patulongan itayo’d si Jehova pian dugay iyebat tayo. (Neh. 2:4) Onkerew itayo met na karunongan pian lawas a manuna’d bilay tayo so ministeryo. (Sant. 1:5) Ontan met, naliketan si Jehova no misalamat itayo lapud pribilehyo tayo bilang ministro to.​—Col. 3:15.

3. Panon tayon makakatulong ed panagpulong sano ipipikasi tayoy arum?

³ Ipikasi so Arum: Nepeg tayo met ya ‘ipikasi so balang sakey,’ a no matukoy et bitlaen tayoy kangaranan na saray kapara tayon ministro. (Sant. 5:16; Gawa 12:5) Kasin limitado lay nagagawaan mon panagpulong lapud onkakapuy lay laman mo? Sarag mon ipikasi iramay maksil ni laman da. Agmo iisipen a melag labat so naitulong na pikakasim parad sikara! Maabig met no ipikasi tayon agkomon sumpaen na saramay walad autoridad so pampupulong tayo pian saray agagi tayo et “makapantultuloy [a] manbilay a maligen tan mareen.”​—1 Tim. 2:1, 2.

4. Akin et nepeg itayon mantultuloy a manpikasi?

⁴ Say panangiyabawag ed maong a balita diad interon dalin et talagan baleg a kimey. No ‘mantultuloy itayon manpikasi,’ nasumpal tayo so kimey diad tulong nen Jehova.​—Roma 12:12.