KANSION 7
Si Jehova, Say Biskeg Mi
1. Dios min Jehova, sikay biskeg mi,
Manangilaban tan say samper mi.
Mablin ngaran mo iyabawag mi,
denglen da o andi so mensahe.
(KORO)
Sika Jehova so tuan biskeg mi.
Iyabawag mid agew, labi.
Torin mabiskeg ya panamotan.
Dios min Jehova ya Sankatagyan.
2. On, pribilehyon sikay lingkoran.
Say katuaan et natatalosan.
Biblia so basaen tan unoren.
Say dapag mo labat so pilien.
(KORO)
Sika Jehova so tuan biskeg mi.
Iyabawag mid agew, labi.
Torin mabiskeg ya panamotan.
Dios min Jehova ya Sankatagyan.
3. Linawam gawaen min maliket.
Sumpaen man, talek mi malmalet.
Angga ed ipatey, unoren ka
ta manepeg ngaran moy nigloria.
(KORO)
Sika Jehova so tuan biskeg mi.
Iyabawag mid agew, labi.
Torin mabiskeg ya panamotan.
Dios min Jehova ya Sankatagyan.
(Nengnengen met so 2 Sam. 22:3; Sal. 18:2; Isa. 43:12.)