KANSION 159
Igloria si Jehova
1. Sankatagyan ka, Jehova,
Dios ya agnaparaan.
Tan diad amin ya ginawam,
Amtak, agko nabayaran.
No ontangay ak ed tawen,
Gloriam, nanenengneng ko.
Balet, siak so inimanom
Lapud Dios kan maar-aro.
(KORO)
Jehova’n Dios, siak pa so dengelen,
Kansionan ta ka, Ama.
Sikay Dios ko, nepeg kon dayewen.
Ari kad andi-angga,
Manepeg kan igloria.
2. Usaren ko so bilay ko
Pian gawaey linawam.
Iyabawag kod totoo—
Kirayewan mo tan gloriam.
Baleg iyan kagalangan
So panlingkor kod sika.
Dios, say lapuay biskeg ko
Tan giyak ed anggad angga.
(KORO)
Jehova’n Dios, siak pa so dengelen,
Kansionan ta ka, Ama.
Sikay Dios ko, nepeg kon dayewen.
Ari kad andi-angga,
Manepeg kan igloria.
3. Saray palandey tan dayat,
Agew, bitewen, bulan,
Napatnagay panangarom
Tan sayay pisalamatan.
Say dunong mo tan karakpan,
Sankanengneng ed palsa.
Pusok napnoy pandinayew.
Jehova, igloria ta ka.
(KORO)
Jehova’n Dios, siak pa so dengelen,
Kansionan ta ka, Ama.
Sikay Dios ko, nepeg kon dayewen.
Ari kad andi-angga,
Manepeg kan igloria.
(Nengnengen met so Sal. 96:1-10; 148:3, 7.)