LUGAR TAN TOTOO

Ombisita Tayod Liechtenstein

Mapa a mangipapanengneng ed Liechtenstein a nampegleyan na Switzerland tan Austria

SAKEY iyad saray sankamelagan ya bansa ed interon mundo, ya walad mapalandey a lugar ya nampegleyan na Switzerland tan Austria. Pigaran siglo ya nanayam ed sayan lugar iray Celt, Rhaetian, Roman, tan Alemanni. Natan et ngalngali 70 porsiento na populasyon na Liechtenstein so nanlapud tribu na Alemanni, a nanayam ed sayan lugar manga 1,500 taon lay apalabas.

German so opisyal ya lenguahe diad Liechtenstein, anggaman kada baryo et walay sarili dan dialekto. Duara ed saray kabkabat ya kakanen ed Liechtenstein et say Tüarka-Rebel ya gawad mais, tan Käsknöpfle ya pasta a dakel so keso to.

Duaran kabkabat ya kakanen ed Liechtenstein — *Käsknöpfle*

Bii ya walay kaiba ton ugaw ya akasulong ira na makolor ya tradisyonal a kawes ed Liechtenstein — Makolor ya tradisyonal a kawes

No ompasyar ka ditan, nanengneng mo ray palandey ya asakbongay snow, marikan kaliberliber, ubasan, tan nanduruman klase na tanaman. Singa bilang, anggano melmelag iyan bansa, wala diay ngalngali 50 klase na orchid. Wala met iray museum, teatro, tan gawaay alak. Kanian tiagew man odino panaoy ambetel, dakdakel so turista.

Manlapu ni nen 1920, wala la ray Tasi nen Jehova ed Liechtenstein. Natan et manga 90 la ra ya manbabangat na Biblia ed saray manaayam ditan tan saray bisita.

Say libron Anto so Peteg ya Ibabangat na Biblia? et im-publish met na Saray Tasi nen Jehova diad German, say opisyal a lenguahe ed Liechtenstein, tan wala met ed online diad www.jw.org.