Panamasegsegang
Akin et agla nabigla iray Kristiano ed panamasegsegang?
No napasegsegang itayo, akin et onkerew tayod si Jehova na tulong?
Sal 55:22; 2Co 12:9, 10; 2Ti 4:16-18; Heb 13:6
Saray alimbawa ed Biblia:
1Ar 19:1-18—Nen apasegsegang si propeta Elias, imbaga tod si Jehova so nalilikna to kanian apaseseg tan aligliwa
Gaw 7:9-15—Pinasegsegang si Jose na saray kuya to, pero nansiansian matoor si Jehova ed sikato, inligtas tan inusar To pian niligtas so pamilya to
Anto ray arum ya klase na panamasegsegang?
Panag-insulto o panagbalaw
2Aw 36:16; Mat 5:11; Gaw 19:9; 1Pe 4:4
Saray alimbawa ed Biblia:
2Ar 18:17-35—Ininsulto na Rabsases, say spokesman na ari na Asirya, si Jehova tan binalaw-balaw to ray walad Jerusalem
Luc 22:63-65; 23:35-37—Si Jesus et ininsulto tan inelek-elekan na saray nampasegsegang ed sikato nen lilitisen da tan nen walad panamairapan ya poste
Kontran kapamilya
Pangaresto tan iyarap ed saray opisyal
Panmaltrato
Pan-ambon o pangataki na grupo
Pamatey
Antoy dapat ya gawaen na saray Kristiano no napasegsegang ira?
Mat 5:44; Gaw 16:25; 1Co 4:12, 13; 1Pe 2:23
Saray alimbawa ed Biblia:
Gaw 7:57–8:1—Nen ngalngali la ompatey si Esteban lapud panutupak dad sikato, kinerew tod Dios ya kasian to iramay nan-ambon ed sikato, kaiba lay Saulo ya taga Tarso
Gaw 16:22-34—Anggano nilelewet tan sinigpit day sali nen apostol Pablo, impanengneng to nin siansia so kamaongan ed guardia; lapud satan, nagmaliw ya mananisia so guardia tan say pamilya to
Antoy agawa ed arum ya Kristiano nen inmunan siglo?
Antoy dugan pangipasen tayo ed panamasegsegang?
Panon itayon napabiskeg na pag-asa tayod arapen no napapasegsegang itayo?
Akin et ag-itayo dapat padadaeg ed baing, takot, o dismaya no napapasegsegang itayo, tan akin et agtayo ontundan manlingkor ed si Jehova?
Sal 56:1-4; Gaw 4:18-20; 2Ti 1:8, 12
Saray alimbawa ed Biblia:
2Aw 32:1-22—Nen atakien la nen Arin Senakerib tan saray dakdakel ya sundalo to so Jerusalem, nantiwala so matoor ya arin si Hezekias ed si Jehova tan pinabiskeg to ray totoo; sikatoy abendisyonan
Heb 12:1-3—Nen sinali dan pabpabaingan si Jesus, imbaliwala toy kababaingan tan agnampadismaya
Anto ray nayarin balibalin resulta na panamasegsegang?
No anosan tayo ray subok, napaliket tayo si Jehova tan napagalangan so ngaran to
Saray alimbawa ed Biblia:
Job 1:6-22; 2:1-10—Anggano ag-amta nen Job ya si Satanas so mamapasegsegang ed sikato, nanmatoor nin siansia ed si Jehova, kanian nigloria so Dios tan apatunayan ya matila si Satanas
Da 1:6, 7; 3:8-30—Mas nilabay nen Hananias, Misael, tan Azarias (Sadrac, Mesac, tan Abednego) so ompatey nen say ag-unoren si Jehova; lapud satan, diad arapan na dakel ya totoo et pinagalangan na paganon Arin Nabucodonosor si Jehova
Lapud panamasegsegang, nayarin naamtaan na totoo so tungkol ed si Jehova
Saray alimbawa ed Biblia:
Gaw 11:19-21—Nen nitaytayak iray Kristiano lapud panamasegsegang, impulong da nin siansia so maong ya balita ed nanduruman lugar
Fil 1:12, 13—Manliket si apostol Pablo nen abalitaan to ya lapud impakapriso to, dakel so akaamtad maong a balita
Napabiskeg iray agagi no anosan tayo so panamasegsegang
Panon tayon nibaga ya saray lider na relihyon tan politiko so mabetbet ya mamapasegsegang ed saray lingkor nen Jehova?
Jer 26:11; Mar 3:6; Jn 11:47, 48, 53; Gaw 25:1-3
Saray alimbawa ed Biblia:
Gaw 19:24-29—Diad Efeso, inisip na saray manggagawa na altar nen Artemis ya naperdi negosyo da lapud mensahe ya ipupulong na saray Kristiano tungkol ed idolatriya, kanian pinasegsegang da ra
Gal 1:13, 14—Antis ya nagmaliw ya Kristiano si Pablo (Saulo), grabe seseg to ed Judaismo, kanian pinasegsegang to so kongregasyon