Saray makaliktar ed kaunoran iran agew et manayam ed paraiso diad dalin
Antoy Ibabaga Na Biblia?
Kasin manbibilay tayo la ed “kaunoran iran agew”?
Antoy ebat mo?
On
Andi
Seguro
No antoy ibabaga na Biblia
“Diad kaunoran iran agew et onsabi iray mapeligro tan mair-irap a panaon.” (2 Timoteo 3:1) Ipapanengneng na saray propesiya ed Biblia, pati saray nagagawa natan, ya wala tayo lad “kaunoran iran agew.”
Anto ni naaralan tayod Biblia?
Say tanda ya wala tayo lad kaunoran iran agew et saray guerra, eras, yegyeg, tan idarakel na graben sakit.—Mateo 24:3, 7; Lucas 21:11.
Diad kaunoran iran agew, magmaliw ya mauges so kipapasen ed moral tan espiritual na totoo.—2 Timoteo 3:2-5.
Antoy nagawa ed totoo diad arapen?
Wala ray manisia . . . ya manampot so kaunoran iran agew diad kaderal na dalin tan amin ya manaayam ditan, saray arum balet et maniilalo ya magmaliw nin marakep so kipapasen tayo. Antoy nibagam?
No antoy ibabaga na Biblia
“Saray matunong et tawiren day dalin, tan manbilay ira ditan diad andi-anggaan.”—Salmo 37:29.
Anto ni naaralan tayod Biblia?
Manampot so kaunoran iran agew diad paneral ed amin ya mauges.—1 Juan 2:17.
Say dalin et magmaliw ya paraiso.—Isaias 35:1, 6.