Antoy Ilalo na Saray Inaatey?

Amin tayo et apektado na ipapatey. Balet kasin manampot lan amin no ompatey so sakey? Kasin aglan balot nanonotan iray inaatey? Wala ni kasi ilalo na saray inaatey?

AMTAEN SO IBABAGA NA BIBLIA:

AG-ALINGWANAN IRAY INAATEY

“Saray amin a walad pakanodnonotan iran lubok et . . . ompaway ira.”​—Juan 5:28, 29.

Natatandaan na Dios iray inaatey; bilayen to iramay walad pakanodnonotan to.

WALAY KIOLI DIAD DALIN

“Walay kioli na saray matunong tan saray agmatunong.”​—Gawa 24:15.

Bilayen iray binilyon ya inaatey tan walay ilalo ran manbilay ya andi-anggaan diad mareen ya mundo.

POSIBLE SO ILALON KIOLI

‘Bibilangen na Dios iray bitewen; amin da et tatawagen tod ngaran.’​—Salmo 147:4.

No sarag na Dios ya tawagen iray bitewen ed ngaran da, sarasarag to met ya tandaan no siopa ray paolien to.