Repaso ed Teokratikon Eskuelaan Parad Ministeryo

Say onggendan iran tepet so singbaten diad Teokratikon Eskuelaan Parad Ministeryo legan na simba ya onggapo ed Pebrero 25, 2013. Akasulat met iray petsa no anton simba pantongtongan so kada punto pian makapan-research sano manpaparaan parad eskuelaan kada simba.

1. Akin et imbaga nen Jesus a magmaliw ya maliket “iramay maneermen”? (Mat. 5:4) [Ene. 7, w09 2/15 p. 6 par. 6]

2. Diad samay modelon pikakasi ya imbangat nen Jesus ed saray disipulo to, antoy labay ton ibaga sanen inkuan ton: “Agmo kami aabuloyan a napelag ed tukso”? (Mat. 6:13) [Ene. 7, w04 2/1 p. 16 par. 13]

3. Akin et imbaga nen Jesus ed saray disipulo to ya agda naliber so amin a syudad “anggad isabi na Anak na too”? (Mat. 10:23) [Ene. 14, w10 9/15 p. 10 par. 12; w87-E 8/1 p. 8 par. 6]

4. Anton duaran punto so idadanet na ilustrasyon nen Jesus nipaakar ed bukel na mustasa? (Mat. 13:31, 32) [Ene. 21, w08 7/15 p. 17-18 par. 3-8]

5. Anton leksion so ibabangat nen Jesus nen imbaga ton: “No agkayo manguman tan magmaliw a singa melag ya ugugaw, agkayon balot makaloob ed panarian na katawenan”? (Mat. 18:3) [Ene. 28, w07 2/1 p. 9-10 par. 3-4]

6. Antoy labay ya ibaga nen Jesus sanen inkuan ton “sikan mismo so angibaga ed satan”? (Mat. 26:63, 64) [Peb. 11, w11-E 6/1 p. 18]

7. Akin a tinawag si Jesus a ‘Katawan na sabaton’? (Mar. 2:28) [Peb. 18, w08 2/15 p. 28 par. 7]

8. Antoy naaralan tayod samay imbaga nen Jesus ed saray totoo nipaakar ed ina tan agagi to, tan akin ya onman so reaksion to? (Mar. 3:31-35) [Peb. 18, w08 2/15 p. 29 par. 5]

9. Unong ed Marcos 8:22-25, akin ya kalkalnan pinaabig nen Jesus so bulag, tan antoy naaralan tayod saya? [Peb. 25, w00 2/15 p. 17 par. 7]

10. Antoy naaralan tayod impamaat nen Jesus ed si Pedro a nabasad Marcos 8:32-34? [Peb. 25, w08 2/15 p. 29 par. 6]