Repaso ed Teokratikon Eskuelaan Parad Ministeryo

Antoy panmoria tayod ganggan ed Deuteronomio 14:1 ya mangisesebel ed panduksa odino pansugat ed laman no maneermen lapud impatey na sakey a too? [Nob. 3, w04 9/15 p. 27 par. 5]

Antoy gagala na pankopya na arari na Israel ed Ganggan na Dios tan ed ‘pambasa dad satan ed amin ya agew na bilay da’? (Deu. 17:18-20) [Nob. 3, w02 6/15 p. 12 par. 4]

Akin a nibaga ya “agmo nepeg a panlansingen [o panibaen] so baka tan asno a panbaka,” tan panon ya onaplika ed saray Kristiano so ganggan nipaakar ed agpikasakey ed agmananisia? (Deu. 22:10) [Nob. 10, w03 10/15 p. 32]

Akin et isesebel so pangala odino panamsam na “dasel a gilingan nisay dapit-tagey a bato na gilingan”? (Deu. 24:6) [Nob. 17, w04 9/15 p. 26 par. 3]

Anton klase na katutulok so kakaukolanen ed saray Israelita, tan antoy nepeg a mamakiwas ed sikatayon panlingkoran si Jehova? (Deu. 28:47) [Nob. 24, w10 9/15 p. 8 par. 4]

Anto ray taloran kakaukolanen parad bilay ya naromog ed Deuteronomio 30:19, 20? [Nob. 24, w10 2/15 p. 28 par. 17]

Kasin kaukolan ed sikatayon basaen a makalna so amin ya salita manlapud Genesis anggad Apocalipsis? Ipaliwawa. (Jos. 1:8) [Dis. 8, w13 4/15 p. 7 par. 4]

Siopa so “prinsipe na ehersito nen Jehova” ya abitlad Josue 5:14, 15, tan panon tayon napaseseg ed sayan salaysay? [Dis. 8, w04 12/1 p. 9 par. 2]

Antoy angitonton ed impankasalanan nen Acan, tan antoy naaralan tayod mauges ya alimbawa to? (Jos. 7:20, 21) [Dis. 15, w10 4/15 p. 20-21 par. 2, 5]

Panon ya makapaseseg so alimbawa nen Caleb ed sikatayo natan? (Jos. 14:10-13) [Dis. 29, w04 12/1 p. 12 par. 2]