Eksperiensya

Ipanengneng so Malasakit

Sakey agew, walay sister ed New Zealand ya binantayan toy video ya ‘Iyansakit Tayo so Sakey tan Sakey.’ Indanet ed sayan video ya walay malasakit nen Jehova ed saray lingkor to tan manggagaway paraan pian natulongan to ra. (Isa. 63:​7-9) Apakilos may sister ya ontulong met ed arum. Diad saman met lanlamang ya agew nen sikatoy nan-grocery, walay apansin ton palaboy ya bii. Imbaga na sister ya isaliwan toy naakan kanian inalagar na bii. Nen nisaliwan to la, inyakar to ed samay bii insan to pinulongan. Inusar toy tract ya Naandi ni Kasi Paniirap?

Akaakis imay bii. Imbaga to ya Tasi iray atateng to tan naiyaralan la nensaman, pero aga kinmiwas. Diad agano ni, ipipikasi to kuno ya makapawil la komon ed si Jehova. Sikatoy inikdan na sister na Biblia tan nampa-Bible study.a

Aligen tayoy Aman Jehova, ipanengneng tayoy malasakit ed saray totoo, pati diad saray kakanayon tan kakongregasyon tayo. Naipanengneng tayo met so malasakit no samboten tayoy amin ya pagkakataon pian napulongan iray totoo.