Con bo por conoce Dios?

“E buki di ley aki lo no aparta for di bo boca, ma bo mester medita den dje di dia y anochi, pa bo percura di haci conforme tur loke ta para skirbi den dje; pasobra e ora ey lo bo haci bo caminda prospera, y e ora ey lo bo tin exito.”

Josue 1:8

“Nan a lesa for di e buki, for di e ley di Dios, y a splica pa duna e nificacion, asina cu nan tabata compronde loke tabata wordo lesa.”

Nehemias 8:8

“Bendiciona ta e hende cu no ta cana den e conseho di malbadonan ..., ma su delicia ta den e ley di SEÑOR, y den su ley e ta medita di dia i anochi ... Tur loke cu e haci ta prospera.”

Salmo 1:1-3

“Felipe a core bay banda di e garoshi y a tende [e oficial di Etiopia] ta lesa e buki di profeta Isaias na bos halto, y Felipe a puntr’e: ‘Bo ta compronde tur loke bo ta lesa?’ El a contest’e: ‘Con mi por compronde si ningun hende no guia mi?’”

Echonan 8:30, 31

“Su cualidadnan invisibel, esta, su poder eterno y Divinidad, ta ser mira bon cla for di creacion di mundo padilanti, ya cu nan ta bisto den e cosnan traha, di manera cu e hendenan ey no tin excuus.”

Romanonan 1:20

“Reflexiona riba e cosnan aki; keda intensamente ocupa cu nan, pa tur hende por mira bon cla cu bo a haci progreso.”

1 Timoteo 4:15

“Laga nos presta atencion na otro pa nos por stimula otro pa mustra amor y haci bon obra, y no keda sin bay e reunionnan.”

Hebreonan 10:24, 25

“Si un di boso falta sabiduria, lag’e sigui pidi Dios, y lo e dun’e esaki, pasobra e ta duna tur hende generosamente, sin tira na nan cara.”

Santiago 1:5