Hende Tawatin Bista Riba Nan

DOS teenager a drenta un restaurant pa nan desayuna den un pueblo chikito di Ohio, Merca. Manera ta nan custumber, nan a baha nan cabes pa haci oracion den silencio prome cu nan a come.

Despues, un señora cu a sinta mira nan a bini na nan mesa y a tuma nan resibo pa e pag’e. El a bisa nan: “Ta un smak pa mira boso tuma tempo pa gradici Dios pa boso cuminda, den un mundo caminda nos ta tende asina tanto cos malo tocante hobennan. Lo mi tin gana di paga boso desayuno.”

E hobennan a keda babuca, pero nan a domina nan sorpresa y a gradici e señora. Despues nan a rasona cu nan no por a laga e señora pensa cu ta na cualkier Dios nan a haci oracion. Pues, un di nan a bai cerca e señora, y despues di bolbe gradicie el a bis’e cu nan ta Testigo di Yehova.

Testigonan di Yehova tin e custumber di studia Bijbel cu nan famia. Esei ta loke e mayornan di e dos hobennan aki a haci. Un di e publicacionnan cu e dos famianan a studia ta Conocimentu cu Ta Hiba na Bida Eterno. Un di e 19 capitulonan di e buki aki ta titula “Con Bo Por Hala Cerca di Dios.”

Bo por manda pidi un ehemplar di e buki aki pa studia Bijbel di 192 pagina door di yena e cupon akibou y mand’e na e adres riba e cupon of na un adres mas cumbiniente menciona na pagina 5 di e revista aki.

□ Manda pa mi un buki Conocimentu cu Ta Hiba na Bida Eterno.

Indica cua idioma.

□ Por fabor, tuma contacto cu mi pa un studio di Bijbel gratis na cas.