Su Solucion pa Bochincha

“Mi ta emplea na un compania cu ta traha co’i hunga. Gran parti di e trabou ta rutinario, y e trahadonan tin mag di scucha muzik. Un di mi coleganan, sinta den e hoki banda di mi, ta gusta scucha muzik degrada. Dos otro colega den mi seccion tambe gusta e tipo di muzik ei. Pero pa ami, tawata masha fastioso pa scucha e muzik ei ocho ora pa dia.

Mi a pensa riba e bentahanan di keda cu e trabou. Un di nan tawata cu mi supervisor semper a duna mi liber pa asisti na congresonan di districto y na reunionnan special pa Testigonan di Yehova cu ta den sirbishi di tempo completo. Tambe mi trabou no ta leu for di mi cas, y e orario ta duna mi tempo pa sirbishi.

Mi a bai serca mi coleganan y a pidi nan tur na bon pa sea cambia e muzik of baha e volumen. Nan a bai keha mi serca e supervisor. E supervisor a yama mi den su oficina. E di: ‘Sharon, bo no por comberti e compania aki na bo religion. Nos trahadonan tin mag di scucha loke nan kier.’

E ora ei mi a puntr’e si mi tin mag di bin cu mi mes cassette player cu headphone. El a bai di acuerdo. Mi a trece e tapenan di E Toren di Vigilancia. Esaki a yuda mi pa mi no tin cu scucha muzik degrada, y tambe e tapenan a yuda mi keda spiritualmente fuerte.”—Segun e relato di Sharon Quan.