Bo A Yega di Mira un Palma Gestet?

DI UN ESCRITOR DI SPIERTA! NA PERU

PALMA GESTET ta un tipo di palma cu ta crece na algun parti di mundo. E tin un aparencia masha peculiar. E prome raiz di e palma ta stop di crece despues cu e alcansa cierto tamaño, mientras cu e resto di e palo mes ta sigui crece. Pesei, e troncon ta saca mas raiz, cu ta baha bai na tera y ta duna e impresion cu nan ta sirbi pa stet e palo.

Palma gestet no ta djis un palo interesante. E ta duna refugio na bestia chikito cu ta sconde entre su raiznan. Hende tambe ta beneficia di dje. Den algun pais e habitantenan ta uza e palo pa traha cas, incluso e vloer, y nan ta uza e blachinan pa traha dak di cabaña, basora y macutu. Kisas algun hende cu ta biba leu for di selvanan di yobida tropical a yega di uza un garoti elegante of a yega di cana riba un vloer duradero traha di e palo di palma gestet, cu bunita patronchinan di color scur.

Mescos cu hopi palma, palma gestet tambe ta un fuente di alimento. Mayoria tin un ‘curason’ comibel y cu ta smak bon. Lamentablemente, segun cu e demanda pa e specialidad exotico aki ta crece, hende ta kap algun tipo di palma djis pa haya e curason, esta, e parti paden suave y delicioso, lagando e resto di e palo plama riba suela.

[Plachinan na pagina 31]

Palma gestet ta fuente di hopi producto util