“Ta Ki Dia Bo Ta Bai Lesa Tur Esakinan?”
Na juli 2001 un homber na Khabarovsk, den Lehano Oriente di Rusia, a haya un stapel di 34 revista Spierta! den un biblioteca den stad. El a fia nan, y ora e fecha pa hiba nan bek a yega na augustus, e no kier a hiba nan bek. Pues el a extende e fecha te september. El a gusta e revistanan asina tanto cu el a bolbe fia nan den november, hunto cu seis edicion nobo.
Prome cu el a haya e revistanan aki, e homber semper a evita publicacionnan religioso. Dicon el a cuminsa lesa Spierta!? El a skirbi: “Pasobra gran parti di e informacion den e revista aki ta trata cu problemanan social cu ta interesante y cu ta afecta tur hende.”
El a sigui bisa: “Hopi bes, e revista tin articulonan bon skirbi tocante ‘biahenan’ pa paisnan y stadnan moderno, compaña pa informacion tocante tradicionnan di hende.” Tambe el a gusta e articulonan tocante hende cu tawatin exito den bida, cu a mantene nan norma- y balornan spiritual, y cu a yuda otro hende soporta contratiempo y calamidad. Kico tawata su opinion di e revista? “Definitivamente bo por bisa cu Spierta! ta un combinacion di Time, Popular Science y National Geographic!”
E homber a manda pidi edicionnan bieu di Spierta! na Ruso for di aña 1995 padilanti. Fuera di Spierta!, el a pidi tambe varios buki y foyeto publica door di Testigonan di Yehova. El a skirbi: “Kisas boso ta puntra boso mes: ‘Ta ki dia bo ta bai lesa tur esakinan?’” E mes a contesta su pregunta bisando cu e tin tempo pa lesa informacion cu ta bale la pena, ya cu e no ta dedica hopi tempo na wak television y surf riba Internet.
Spierta! ta percura un abundancia di informacion riba acontecementonan actual y ta yuda nos compronde mas a fondo kico ta e solucion pa e problemanan djawe. Dicon abo no ta pidi Testigonan di Yehova trece e edicionnan di Spierta! pa bo tur luna?
[Plachi na pagina 31]
Yiunan—Loke Nan Mester for di Nan Mayornan
[Plachi na pagina 31]
Comprondiendo Trastor- nonan di Estado di Animo
[Plachi na pagina 31]
Bo Conoce Dios pa Nomber?
[Plachi na pagina 31]
E Menasa Nuclear—E Ta Real Ainda?
[Plachi na pagina 31]
Unda Bo Por Haya Speransa?
[Reconocemento pa Potret na pagina 31]
Explocion nuclear: U.S. Department of Energy photograph