E Plachi A Consol’e

Un mucha mohe di 22 aña na Japon a skirbi resientemente cu como mucha di 11 aña el a sufri di depresion. El a bisa cu loke a consol’e tawata un plachi cu a sali den e revista E Toren di Vigilancia di un mucha den brasa di su tata. E palabranan cu a compaña e plachi a bisa: “Manera e abraso caloroso di un tata amoroso, Yehova su consolacion por calma nos ansiedad.”

E mucha mohe a splica cu lesando e buki Siña for di e Gran Maestro tambe a dun’e mesun consuelo. Con asina? El a splica: “E buki ta skirbi manera ora un tata ta papia cu un yiu chikito. Ora mi ta les’e, mi ta sinti como si fuera mi ta den Yehova su brasa, y mi no por contene mi lagrimanan. Tin biaha gewoon mi tin gana pa un hende scucha mi y otro biahanan mi tin gana pa un hende papia cu mi ya asina mi por scuch’e. Pero mientras cu esei ta cosnan cu un mucha chikito por pidi, ami si no por bisa ningun hende cu mi kier pa nan papia cu mi of tene mi den nan brasa. Pesei, pa awor, Yehova ta haciendo esei cu mi pa medio di e buki.”

E buki aki di 256 pagina, cu plachinan masha bunita, a keda publica aña pasa. Pa bo haya un ehemplar, yena e cupon akibou y mand’e na e adres riba e cupon of na un adres mas cumbiniente menciona na pagina 5 di e revista aki.

□ Sin ningun obligacion, mi ta pidi un ehemplar di e buki Siña for di e Gran Maestro.

□ Por fabor, tuma contacto cu mi pa un studio di Bijbel gratis na cas.