‘Un Revista Cu Tin Dios Su Sosten’

UN HOMBER cu ta studia Bijbel cu Testigonan di Yehova na Nigeria a asisti na un seminario organisa door di e Comite Interafricano Tocante Hende Mohe y Mucha. El a bai cu dos edicion resien di Spierta!

Riba e prome dia di e seminario, e homber a realisa cu e orado tawata uza puntonan for di un di e revistanan cu el a bin cu ne. E serie di portada tawata titula “Bida Ta Bale la Pena” (na Spaño, 22 di october 2001). Mesora el a saca su revista y a cuminsa sigui e orado den dje.

Na final di e dia, un abogado cu tawatin cu tene un charla e siguiente dia a mira e portada di e otro edicion di Spierta! cu e studiante di Bijbel tawatin hunto cu ne. Esei a presenta e serie “Yudansa pa Hende Mohe Maltrata.” E abogado kier a fia e revista. Anochi, el a benta su boskeho original un banda y a prepara un charla nobo basa riba e articulonan di Spierta! E siguiente dia, mientras cu e abogado tawata presenta su parti, un señora sinta den e mesun fila cu e studiante di Bijbel a saca su edicion di Spierta! y a cuminsa sigui e orado den dje.

E studiante di Bijbel mes por a duna un contribucion balioso na e discusionnan durante e seminario debi cu el a lesa e articulonan di Spierta! El a comenta: ‘Mi no tin duda cu e revista aki tin Dios su sosten.’

Abo lo desea di haya e revista aki entrega na cas riba un base regular? Pakico no pidi un Testigo di Yehova haci e areglonan necesario pa bo hay’e?