For di e Prome Rei di Israel te na Cautiverio na Babilonia

Saul a bira e prome Rei di Israel. Pero Jehova a rechas’e, y a scohe David pa ser Rei na su luga. Nos lo siña hopi tocante David. Como un hoben, el a bringa contra e gigante Goliat. Despues el a hui for di Saul e Rei jaloers. Anto e bunita señora Abigail a evita cu David a haci un cos di bobo.

Despues nos lo siña hopi cos tocante Salomon yiu di David, kende a tuma e luga di David como Rei di Israel. E prome tres reinan di Israel a reina cada un pa 40 aña. Despues di morto di Salomon, Israel a parti den dos reino, un reino di noord y un di zuid.

E reino di noord di 10 tribu a existi pa 257 aña prome cu Asiria a destru’e. Anto 133 aña despues, e reino di zuid di dos tribu tambe a wordo destrui. Na e tempo ei e Israelitanan a wordo hiba preso na Babilonia. P’esei, Parti CUATER ta cubri 510 aña di historia. Durante e tempo ei hopi cos excitante lo pasa dilanti nos bista.