PARTI 8

Pakico Hesus Mester A Muri?

Hesus a muri pa nos por biba pa semper. Juan 3:16

Algun hende muher ta wak Hesus su graf bashi

Tres dia despues di Hesus su morto, algun hende muher a bay na su graf, pero a hay’e bashi. Jehova a lanta Hesus for di morto.

Hesus ta aparece na su apostelnan, mas despues el a subi na cielo

Mas despues Hesus a aparece na su apostelnan.

Si, Jehova a resucita Hesus como un ser spiritual poderoso cu lo no muri mas. Mas despues Hesus su discipelnan a mir’e subi na cielo.

Dios a resucita Hesus y a hacie Rey di e Reino di Dios. Daniel 7:13 y 14

For di su trono den cielo, Hesus ta goberna e hendenan den Paradijs riba Tera

Hesus a duna su bida pa libra hende for di pica y morto. (Mateo 20:28) Di e manera aki Dios a haci posibel pa nos por biba pa semper.

Jehova a haci Hesus Rey pa e por goberna tera for di cielo. Lo tin 144.000 hende fiel cu lo goberna hunto cu ne. Nan lo haya resureccion pa bay biba den cielo. E gobierno husto aki ta e Reino di Dios.—Revelacion 14:1-3.

E Reino aki lo haci tera un paradijs. Lo no tin guera, criminalidad, pobreza ni hamber mas. Hende lo ta masha feliz. —Salmo 145:16.