Kico Ta e Clave pa Felicidad den Famia?

LOKE BIJBEL TA BISA

“Feliz ta esnan cu ta tende e palabra di Dios y ta cumpli cu ne!”—Lucas 11:28, Tradukshon di Mundu Nobo.

LOKE ESAKI POR NIFICA PA NOS

E famia lo haya amor berdadero.—Efesionan 5:28, 29.

E famia lo tin respet sincero. —Efesionan 5:33.

E famia lo ta berdaderamente uni.—Marco 10:6-9.

DI BERDAD NOS POR KERE LOKE BIJBEL TA BISA?

Si, tin por lo menos dos motibo:

• Dios ta Esun cu a funda bida di famia. Bijbel ta bisa cu “tur famia ... a haya nan nomber” for di Jehova Dios. (Efesionan 3:14, 15) Cu otro palabra, Jehova a establece bida di famia. Dicon esey ta importante?

  Pensa un rato riba lo siguiente: Si bo ta disfrutando di un cuminda sabroso y kier sa ki ingredientenan nan a uza, ken lo bo puntra? Ta claro cu lo bo puntra esun cu a cushin’e.

  Mescos tambe, pa bo haya sa kico ta e ingredientenan pa un bida di famia feliz, ta bon pa bo acudi na Jehova, kende ta Esun cu a funda bida di famia.—Genesis 2:18-24.

• Dios ta interesa den boso. Famianan sabi ta busca Jehova su conseho den Bijbel. Dicon? “Pasobra e ta interesa den boso.” (1 Pedro 5:6, 7) Jehova tin boso bienestar na pecho, y su conseho semper ta duna bon resultado.—Proverbionan 3:5, 6; Isaias 48:17, 18.