Kerido Mayornan

Kico ta e mihor regalo cu boso por duna boso yiu? E tin mester di hopi cos, por ehempel, boso amor, guia y proteccion. Pero e regalo di mas precioso cu boso por dun’e ta conocemento di Jehova y di e berdadnan cu nos por haya den su Palabra, ­Bijbel. ( Juan 17:⁠3) E conocemento ey por yuda boso yiu stima Jehova y sirbie di ­henter su curason, hasta si e ta hopi chikito ainda.​—⁠Mateo 21:⁠16.

Hopi mayor ta haya cu mucha chikito ta prefera les cortico. Pesey nos ta masha ­contento cu nos por publica e foyeto: Mi Prome Lesnan di Bijbel. Nos a prepara cada les di tal manera cu un mucha por siña un principio biblico of les na un manera ­simpel. E plachinan y loke tin skirbi ta specialmente pa mucha di cero pa tres aña. Na ­final di cada les tin algun cos cu nos ta sugeri pa e mayornan haci cu nan yiu. E foyeto Mi Prome Lesnan di Bijbel no ta un co’i hunga. Meta di e foyeto ta pa boso les’e hunto cu boso yiunan pa boso por tin bon comunicacion cu otro.

Nos tin sigur cu e foyeto aki lo yuda boso siña boso yiunan e berdad di Bijbel “for di chikito.”​—⁠2 Timoteo 3:​14, 15.

Boso rumannan,

Cuerpo Gobernante di Testigonan di Jehova

[Plachi na pagina 3]