Con bo por beneficia di e curso di Bijbel aki?
Prome, lesa e paginanan di introduccion aki. Despues, pasa e VIDEO.
PROME PARTI
Pa prepara pa cada les, lesa e prome parti di e les. E preguntanan cu letter diki (A) y e textonan di Bijbel (B) ta enfatisa e puntonan principal. Lesa tur e textonan cu tin e palabra “lesa” nan dilanti.
DI DOS PARTI
E paragraf Kico Mas Nos Por Siña? ta splica loke lo ser trata den cada les (C). E subtemanan (D) ta mustra kico ta e puntonan principal. Lesa e textonan, contesta e preguntanan y wak e videonan hunto cu e persona cu ta studia Bijbel cu bo.
VIDEO y GRABACION DI AUDIO ta yuda bo haya mihor comprondemento di e informacion cu tin den e lesnan. Algun video ta tocante suceso cu a tuma luga di berdad. Anto tin otro video cu no ta tocante suceso real of hende di berdad. Pero, nan ta situacion si cu por pasa di berdad.
Wak e plachinan bon y lesa descripcion di e plachinan (E), anto pensa con lo bo contesta e preguntanan bou di Loke Hende Sa Bisa (F).
ULTIMO PARTI
Na final di cada les, tin un Resumen y Repaso (G). Despues cu bo caba un les, yena e fecha cu bo a completa e les ey. Bou di Meta (H), lo bo haya sugerencia cu por yuda bo progresa mas ainda. Bou di Mas Informacion Interesante (I), bo ta haya mas informacion cu bo por lesa of wak.
Con bo por busca e textonan di Bijbel?
Bijbel ta consisti di 66 buki chikito y ta parti den dos parti: e Scritura Hebreo-Arameo (“Testament Bieu”) y e Scritura Griego Cristian (“Testament Nobo”).
Un texto di Bijbel ta consisti di tres parti: nomber di e buki di Bijbel (A), capitulo (B) y versiculo (C).
Por ehempel, Juan 17:3 ta referi na e buki cu tin den Bijbel cu yama Juan, capitulo 17 y versiculo 3.