Henry VIII y Bijbel

DEN su buki History of the English-Speaking Peoples (Volumen 2), Winston Churchill a skirbi: “E epoca di Reformacion a trece un cambio profundo riba tereno di creencia religioso. Bijbel a bira awor un fuente nobo pa conseho eficas cu tawatin un influencia riba hopi tereno. E generacion bieu tawata di opinion cu ta peligroso pa e Scritura Santo ta den man di hende cu no ta educa y cu ta pastornan so mester les’e.”

E relato ta sigui: “Na final di lente di aña 1535, pa prome bes, a imprimi Bijbel completo traduci na Ingles door di Tyndale y Coverdale, y awor nan tawata produciendo varios edicion di Bijbel. Gobierno a pidi clero pa anima hende pa lesa Bijbel.” Gracias na e gobierno di Henry VIII, y no iglesia, cu despues di siglonan di ignorancia, hende na Inglatera a haya sa kico Bijbel ta bisa.a

Tambe e buki ta bisa: “E generacion bieu a haya un otro golpi mas ora e gobierno a laga Paris imprimi un gran cantidad di Bijbel mas luhoso ainda na Ingles. Y na luna di september di aña 1538, gobierno a manda cada parokia cumpra un Bijbel tamaño grandi na Ingles pa pone den cada iglesia, caminda parokianonan por a yega facilmente y les’e. Nan a pone seis ehemplar den e catedral di St. Paul cu ta keda den e stad di Londen, y henter dia masha hopi hende tawata bai na e catedral pa lesa nan, manera nan a bisa nos, specialmente ora nan por a haya un hende cu tawatin un bos fuerte pa lesa pa tur hende tende.”

Lamentablemente, den varios pais, hopi hende no ta probecha di e privilegio pa lesa Bijbel regularmente. Esaki ta un motibo grandi pa precupacion, ya cu ta Bijbel so “ta inspira pa Dios y ta util pa siñansa, pa reprendemento, pa coreccion, pa educa den husticia.”—2 Timoteo 3:16.

[Nota]

[Reconocemento pa Potret na pagina 32]

Henry VIII: Pintura den e Galeria Real na Kensington, for di e buki The History of Protestantism (Vol. I)