“Mi No Tawata Sa Masha Tocante Dios”

“DURANTE e aña cu a pasa aki, Testigonan di Yehova a bishita mi regularmente y a siña mi di e maraviyoso noticia tocante e Reino di Dios. Mi tawata catolico pa ocho aña, pero mi no tawata sa masha tocante Dios. Den e un aña aki, mi a siña hopi cos. ” Asina un homber cu ta biba na Kerala, India, a skirbi. El a sigui bisa: “Mi ta masha contento cu E Toren di Vigilancia ta ser publica den 139 [awor 146] idioma. Ta un cos asombroso cu hende di tur idioma ta haya sa e mensahe tocante Dios.”

Aunke hopi filosofo ta pretende cu ta imposibel pa conoce Dios, apostel Pablo a mustra bon cla cu esaki ta posibel. Papiando cu un grupo di habitante di Atenas, di cua algun tawata adora na un altar dedica na “un Dios Desconoci”, Pablo a bisa: “Loke boso ta adora den ignorancia, esei mi ta proclama na boso. E Dios cu a traha mundo y tur cos cu tin den dje . . . ta duna tur hende bida y rosea y tur cos; y for di un sanger el a traha tur nacion di hende pa biba riba henter mundo.”—Echonan 17:23-26.

Pablo a stimula su auditorio pa busca pa conoce e Creador, pasobra “e no ta leu di cada un di nos.” (Echonan 17:27) Testigonan di Yehova gustosamente lo yuda bo siña conoce e Dios berdadero y su cualidadnan atractivo.