Un Video Cu Ta Yega na Curason di Hobennan

E VIDEO Hobennan Sa Puntra—Con Mi Por Haya Berdadero Amigo?a a stimula hopi hoben cu a mir’e pa analisa nan conducta seriamente. E video ta contene conseho sano basa riba Bijbel, comentarionan personal di hobennan cristian, y un drama moderno conmovedor basa riba e relato biblico tocante Dina. (Genesis, capitulo 34) For di Mexico nos a haya e siguiente comentarionan tocante e video.

Martha ta conta: “E video a conmove mi profundamente. Ta como si fuera ta pa mi nan a trah’e. Mi a kere cu basta mi maestronan y e muchanan di mi scol sa cu mi ta un Testigo di Yehova, tur cos ta cla. Mi no a proba nan esei door di duna nan testimonio. Mi ta gradicido pa tur e informacion cu Yehova ta percura, specialmente ora e ta conmove nos asina profundamente manera e video aki ta haci.”

Juan Carlos ta bisa: “E video aki ta echt pone bo para pensa. Como hoben, mi a yega di comete algun fayo y mi por a mira mi mes den algun di e personahenan den e drama. Algun aña pasa, mi tawata hiba un bida dobel, pero mi a realisa cu un bida asina por trece mal consecuencia. Despues di a wak e video, mi ta determina pa keda fiel na Yehova.”

Sulem ta confesa: “Ora mi a wak e video, mi hemut a yena. Poco tempo prome, mi a stop di lesa Bijbel, y mi no tawata haci oracion masha na Yehova. Scuchando e comentarionan cu e hobennan den e video a duna, a motiva mi pa cuminsa studia Bijbel atrobe y haci oracion na Yehova.”

Awe hobennan ta haya nan cu hopi reto, y e amigonan cu nan ta scohe hopi bes por tin un influencia fuerte riba e manera cu nan ta hiba nan bida. (Salmo 26:4; Proverbionan 13:20) E video Hobennan Sa Puntra—Con Mi Por Haya Berdadero Amigo? ta yudando hopi di nan tuma bon decision relaciona cu esaki.

[Nota]