“Bo Conoce Dios pa Nomber?”

E PREGUNTA ei a lanta interes di un señora den e parti zuidwest di Asia Central. E pregunta a sali riba e portada di Spierta! di 8 di februari 2004, e revista cu ta compaña esun aki. E señora a skirbi e editornan: “For di prome instante boso revista a atrae mi, y el a yuda mi enfoca riba bon norma y balor. Mi punto di bista di bida a bira mas positivo. Mi ta conta tur hende tocante nos Dios y e pas cu e conocemento aki ta duna.”

Na hopi luga—de echo “te na e parti mas aleha di mundo”—hende ta siña conoce e nomber di Dios, Jehova. (Echonan 1:8) Por ehempel, na idioma Turkmeno e nomber aki ta Yehowa, y bo por hay’e facilmente den e traduccion Turkmeno di e Scritura Santo. Salmo 8:1 ta bisa: “Jehova nos Señor, ki mahestuoso bo nomber ta den henter mundo!”

Pa e señora por a siña mas tocante Jehova Dios, el a pidi un ehemplar di e foyeto di 32 pagina titula E nomber divino cu lo permanece pa semper. Bo tambe por pidi e foyeto aki cerca cualkier Testigo di Jehova.