PREGUNTA CU BIJBEL TA CONTESTA
Tin speransa pa e mortonan?
Hende morto ta comosifuera na soño, den e sentido cu nan ta inconsciente y no por haci nada. Pero e Creador di bida por lanta hende for di morto mediante un resureccion. Pa demostra esey, Dios a duna Hesus poder pa lanta varios hende for di morto.—Lesa Eclesiastes 9:5; Juan 11:11, 43, 44.
Den ki sentido e mortonan ta comosifuera na soño?
Dios a priminti cu ora e momento oportuno yega, e mortonan cu ta den su memoria lo ser resucita pa biba den un husto mundo nobo. E Creador Todopoderoso ta anhela pa uza su poder pa trece e mortonan bek na bida.—Lesa Job 14:14, 15.
Con e resureccion lo ta?
Ora Dios resucita hende, nan lo por reconoce nan mes, nan amigonan y nan famianan. Y aunke un persona su curpa a caba na nada, Dios por resucita e mesun persona ey, pero cu un curpa nobo.—Lesa 1 Corintionan 15:35, 38.
Na comparacion, masha poco hende ta ser resucita pa bay cielo. (Revelacion 20:6) Mayoria hende resucita lo bolbe pa biba riba un tera transforma den un paradijs. Nan lo haya un comienso nobo cu e speransa di biba pa semper.—Lesa Salmo 37:29; Echonan 24:15.