PREGUNTA CU BIJBEL TA CONTESTA
Dicon nos mester recorda e morto di Hesus?
Ki beneficionan e morto di hesus lo trece den futuro?—Isaias 25:8; 33:24
E morto di Hesus ta e suceso di mas importante den historia. El a muri pa hende por biba manera Dios tabata kier pa nan biba for di principio. Dios no a crea hende cu e tendencia di haci malo, ni tampoco pa nan bira malo y muri. (Genesis 1:31) Pero ta pa motibo di e prome homber, Adam, pica a drenta mundo. Hesus a duna su bida pa salba nos di pica y morto.—Lesa Mateo 20:28; Romanonan 6:23.
Dios a mustra e gran amor cu e tin pa nos ora el a manda su Yiu na Tera pa bin muri pa nos. (1 Juan 4:9, 10) Hesus a instrui su siguidornan pa recorda su morto mediante un ceremonia simpel, uzando pan y biña. Ora nos ta recorda e morto di Hesus tur aña di e manera ey, nos ta demostra cu nos ta aprecia e amor cu Dios y Hesus a mustra na nos.—Lesa Lucas 22:19, 20.
Ken mester come di e pan y bebe di e biña?
Ora Hesus a bisa su discipelnan pa recorda su morto, el a papia cu nan tocante un pacto, of un alianza. (Mateo 26:26-28) Esaki a duna tanto su discipelnan como un grupo limita di otro hende e speransa pa bira rey y sacerdote cu ne den cielo. Aunke miyones di hende ta recorda e morto di Hesus, ta solamente esnan cu ta den e pacto ey por come di e pan y bebe di e biña.—Lesa Revelacion 5:10.
Pa casi 2.000 aña caba, Jehova ta scogiendo esnan cu lo bira rey. (Lucas 12:32) Nan ta un cantidad chikito compara cu esnan cu lo biba pa semper riba Tera.—Lesa Revelacion 7:4, 9, 17.