Bo Ta Prepara pa un Emergencia Medico?

Un hende por haya su mes diripiente y sin previo aviso cu un emergencia medico. (Sant. 4:⁠14) Pesey, esun cu ta prudente lo prepara mas mihor posibel. (Pro. 22:⁠3) Bo a dicidi ki tratamento medico lo bo acepta? Y bo a pone bo decision por escrito? Pa yuda bo den esaki, a prepara e documental Asistencia Medico sin Transfusion: Cumpliendo cu Necesidad y Derecho di Pashent. E ta e di dos presentacion riba e DVD titula Serie di Documentario​—⁠Alternativanan pa Transfusion. Ora bo ta wak e, mira si bo por contesta e siguiente preguntanan. Como cu tin algun escena cortico di operacion, mayornan mester evalua si nan ta laga nan yiunan chikito wak e documental hunto cu nan.

(1) Dicon algun profesional den e campo medico ta reconsiderando uzo di transfusion di sanger? (2) Menciona tres ehempel di operacion complica cu dokternan a haci sin transfusion di sanger. (3) Dicon miles di dokter y ciruhano rond mundo ta dispuesto pa trata pashent sin uza transfusion di sanger? (4) Kico estudionan recien haci den hospitalnan a revela tocante uzo di sanger? (5) Kico ta e riesgonan medico cu transfusion di sanger ta trece cu ne? (6) Na ki conclusion hopi experto a yega relaciona cu e beneficionan di alternativa pa transfusion? (7) Kico ta causa anemia y kico por haci pa remedi’e? (8) Con por stimula curpa di un pashent pa produci globulo cora di sanger? (9) Ki tecnica dokternan sa uza pa minimisa perdida di sanger durante operacion? (10) Por uza alternativanan pa transfusion den caso di mucha of ora ta trata di hende cu ta den un situacion di bida of morto? (11) Cua ta un di e principionan etico mas importante di un bon cuido medico?

Tene cuenta cu algun di e tratamentonan menciona den e documental aki tin di haber cu consenshi. Pues, no laga te ora un emergencia medico presenta pa e ora ey bo scoge kico lo bo acepta of rechasa. Pa yuda bo tuma bo propio decision a base di loke bo a siña, wak capitulo 7 di e buki “Keda den e Amor di Dios” hunto cu e referencianan menciona den dje y e suplemento den Nos Ministerio di Reino di november 2006. Despues, si bo ta batisa, yena loke bo a dicidi riba e carchi di DPA y percura pa bo tin e semper hunto cu bo.

[Comentario di e plachi na pagina 3]

Bo a dicidi ki tratamento medico lo bo acepta y bo a pone esaki por escrito?