Anuncio

◼ Oferta di literatura pa januari: Kico Bijbel Ta Siña Realmente? Trata na cuminsa un estudio durante e prome bishita. Si e doño di cas tin e buki caba y no acepta un estudio di Bijbel, por laga revista menos recien of un foyeto cu tin un topico cu ta interesa e doño di cas. Februari: E Secreto pa Felicidad den Famia of E Bijbel​—⁠e Palabra di Dios of e palabra di hende? Maart: Kico Bijbel Ta Siña Realmente? April: E Toren di Vigilancia y ¡Despertad! Caminda hende mustra interes, ofrece e tratado Bo Kier Haya Sa e Berdad?

◼ Cuminsando na februari, e discurso publico nobo pa superintendentenan di circuito lo ta “Bo Tin Confianza den Jehova?”

◼ Den e edicion pa publico di La Atalaya di 1 di februari 2012 lo tin un serie nobo titula “Mi Lesnan di Bijbel.” A prepara e serie aki pa mayornan cu tin yiu di cero pa tres aña. Lo varia e serie aki cu esnan di “Skina pa Hobennan” y “Di Mayor pa Yiu.”

◼ Congregacionnan mester haci e preparativonan apropia pa tene e Memorial di e aña aki riba diahuebs 5 di april, despues cu solo baha. Maske e discurso lo por cuminsa mas trempan, pasamento di e pan y e biña no mag cuminsa sino te despues cu solo baha. Consulta cu autoridadnan local pa determina ki ora solo ta baha den boso area. Aunke lo ta preferibel pa cada congregacion tene su propio celebracion di Memorial, no ta tur biaha esaki ta posibel. Den caso cu normalmente varios congregacion ta uza e mesun Salon di Reino, podise un of mas congregacion por uza un otro luga pa e anochi ey. Caminda ta posibel, nos ta recomenda un lapso minimo di 40 minuut entre e reunionnan pa asina tur hende por beneficia plenamente di poco asociacion despues. Tambe mester tene cuenta cu e asunto di trafico y parkeermento, incluso caminda pa baha pasahero for di auto of pa recoge nan. E cuerpo di anciano mester dicidi kico lo ta mihor localmente.