Anuncio

◼ Oferta di literatura pa februari: E Secreto pa Felicidad den Famia of E Bijbel—e Palabra di Dios of e palabra di hende? Maart: Kico Bijbel Ta Siña Realmente? April y mei: E Toren di Vigilancia y ¡Despertad! Caminda hende mustra interes, ofrece e tratado Bo Kier Haya Sa e Berdad?

◼ Lo duna e discurso special e weekend despues di Memorial, y e tin e tema “Ta Mas Laat Cu Bo Ta Kere?”

◼ Si un pais cu bo tin plania pa bishita no ta den e ultimo rapport di sirbishi of su adres no ta riba e ultimo pagina di e Anuario mas recien, sea asina bon di tuma contacto cu bo sucursal pa haci sigur ki medidanan di precaucion lo bo tin cu tuma of ki instruccion special lo bo tin cu sigui. Kisas tin cierto restriccion riba e obra di Reino den e pais ey. (Mat. 10:16) Den algun pais kisas no ta ni consehabel pa bishitante tuma contacto cu e Testigonan of congregacionnan local. Na bo sucursal tambe bo por haya instruccion relaciona cu dunamento di testimonio informal of hibamento di literatura. Ta bon pa bo sigui e instruccionnan aki y asina evita problema innecesario tanto pa bo mes como pa e obra di Reino.—1 Cor. 14:33, 40.

◼ Maart lo ta un bon luna pa traha pionero auxiliar, ya cu e tin cinco diasabra.

◼ E secretario y e superintendente di sirbishi mester repasa e actividad di tur pionero regular. Si un di nan tin problema pa alcansa e rekisito di ora, e ancianonan mester percura pa e haya yudansa. Pa sugerencia, repasa e cartanan anual S-201.