Anuncio

◼ Oferta di literatura pa maart: Kico Bijbel Ta Siña Realmente? Trata na cuminsa un estudio di Bijbel durante e prome bishita. Si e doño di cas tin e buki caba y no acepta un estudio di Bijbel, por laga revista menos recien of un foyeto cu tin un topico cu ta interesa e doño di cas. April y mei: E Toren di Vigilancia y ¡Despertad! Caminda hende mustra interes, ofrece e tratado Bo Kier Haya Sa e Berdad? Juni: Kico Bijbel Ta Siña Realmente?

◼ Memorial lo ta riba diahuebs 5 di april 2012. Si boso congregacion normalmente tin reunion riba diahuebs, mester cambia esaki pa un otro dia di siman si e Salon di Reino ta disponibel. Si esaki no ta posibel y boso no por tene e Reunion di Sirbishi, por incorpora e partinan cu ta particularmente aplicabel na boso congregacion den un otro Reunion di Sirbishi.

◼ Den futuro cercano, durante algun Reunion di Sirbishi nos lo considera dos DVD. Nan ta: Hobennan Sa Puntra—Con Mi Por Haya Berdadero Amigo? y Hobennan Sa Puntra—Kico Lo Mi Haci cu Mi Bida? Si ta necesario, haci pedido di e dos DVDnan aki via congregacion mas pronto posibel.

◼ Congregacionnan mester saca e ehemplarnan nobo di E Toren di Vigilancia y ¡Despertad! asina cu nan yega. Esaki lo permiti e publicadornan familiarisa nan mes cu e contenido prome cu nan ofrece e revistanan den sirbishi di veld.

◼ Un ruman asigna pa e coordinador di e cuerpo di anciano mester controla e cuentanan di congregacion di luna di december, januari y februari. No laga e mesun ruman haci esey tras di otro. Ora e caba, mester haci un anuncio na e congregacion.—Wak e formulario Instrukshonnan pa Kuenta di Kongregashon (S-27-PA).

◼ E tema pa e congreso di districto 2012 ta “Proteha Bo Curason!” Nos Ministerio di Reino di april lo duna mas informacion cu lo por yuda bo caba di traha bo plannan pa asisti na tur e sesionnan di e congreso di tres dia aki. Si bo tin cu pidi bo doño di trabou liber pa bo por asisti tur tres dia, no tarda pa haci esey.