“Algun Sugerencia pa Ofrece Revista den . . .”

Tur luna den e Reunion di Sirbishi tin un seccion tocante con pa ofrece revista. Meta di e parti aki no ta pa repasa henter e contenido di e revistanan, pero pa duna diferente sugerencia con pa ofrece e revistanan. Pesey, di acuerdo cu e instruccionnan, e ruman asigna mester duna un introduccion hopi breve y cu entusiasmo. Despues, e ta pidi esnan presente si nan por duna sugerencia riba un articulo (of serie di articulo), ora cu caba di trata e articulo ey, ta bay pa un otro articulo, di e manera ey tur publicador por enfoca riba e mesun articulo den nan revista y tuma nota di e sugerencianan cu nan kier uza despues. En bes di laga e rumannan duna henter un presentacion, e ruman encarga cu e parti mester pidi nan pa sugeri ki pregunta asina por capta atencion di e hendenan y ki texto nan por lesa relaciona cu e articulonan. Finalmente, e ta conclui cu un demostracion pa cada revista. Ta bon pa nos lesa e revistanan prome cu nos bin reunion y prepara pa duna nos sugerencianan. Si nos tur prepara bon, e parti aki lo yuda nos haci otro skerpi.—Prov. 27:17, NW.