Teritorio Personal Tin Su Beneficionan
1. Kico bo por haci den un congregacion cu tin hopi teritorio?
1 Den un congregacion cu tin hopi teritorio, kisas lo bo por haya un teritorio personal, esta uno pa bo mes, talbes cerca di bo cas. E buki Organisa, pagina 103, ta splica: “Un teritorio personal caminda bo por yega facilmente lo permiti bo haci bon uzo di e tempo cu bo por dedica na sirbishi di veld. Tambe, kisas lo bo kier invita un otro publicador pa traha hunto cu bo den bo teritorio personal.”
2. Con bo por uza bo teritorio personal pa complementa e trabou di predica den grupo?
2 Pa Complementa e Trabou di Predica den Grupo: Si bo haya un teritorio personal banda di bo luga di trabou, bo por traha esaki durante bo pauze of atardi prome cu bo bay cas, kisas hunto cu un publicador cu ta traha den cercania. Si bo a haya un teritorio banda di bo cas, abo y bo famia por scoge e oranan mas cumbiniente parti atardi pa predica den dje. Den e caso cu bo no ta asisti na un reunion pa sirbishi di veld, lo ta bon pa prome cu bo cuminsa predica bo haci oracion pa pidi Jehova su guia. (Flp. 4:6) Ademas, ta bon pa bo balansa e tempo cu bo ta traha den e teritorio personal cu e tempo cu bo ta apoya e areglonan di sirbishi di bo congregacion. Vooral den weekend, ora hopi publicador ta sali den sirbishi, por lo general ta mihor pa apoya bo grupo di sirbishi di veld.
3. Kico ta e beneficionan cu bo ta haya ora bo tin un teritorio personal?
3 Beneficio: Si bo tin un teritorio personal, bo tin un caminda pa predica ki ora cu bo haya un chens. Bo por yega bo teritorio mas lihe y dedica mas tempo na e trabou di predica. Esaki a habri caminda pa algun publicador traha pionero auxiliar of hasta regular. Como cu e personanan cu mustra interes ta di e mesun bisindario, ta mas facil pa haci rebishita y cuminsa estudio di Bijbel. Hopi ruman ta haya cu un teritorio personal ta yuda nan siña conoce e doñonan di cas y asina gana nan confianza. Esey ta specialmente e caso ora nan por traha e teritorio varios biaha prome cu nan entreg’e bek pa otro publicador tambe por hay’e. Un teritorio personal por yuda abo y bo famia cumpli cu boso sirbishi mas cabalmente?—2 Tim. 4:5.