Caha Di Pregunta

◼ Si un publicador femenino ta dirigi un estudio na porta den compania di un publicador masculino, e tin cu tapa su cabes?

Ora un publicador femenino ta dirigi un estudio di Bijbel riba un base regular y un publicador masculino ta presente, e tin cu tapa su cabes. (1 Cor. 11:3-10) E Toren di Vigilancia di 15 di juli 2002, pagina 27, ta bisa lo siguiente: “Esaki ta un areglo haci di antemano pa duna siñansa caminda esun cu ta conduci e estudio en realidad ta [esun cu ta dirigi]. Den e caso aki e areglonan di congregacion ta conta pa e estudio. Si un Testigo femenino ta conduci e estudio ey mientras tin un Testigo masculino batisa presente, ta corecto p’e ruman muher tapa su cabes.” E mester haci esaki sea cu e estudio di Bijbel ta na cas, na porta of na cualkier otro luga.

Di otro banda, si nos no por papia ainda di un estudio regular di Bijbel na porta, un ruman muher no tin nodo di tapa su cabes ora un publicador masculino ta presente. Esaki ta conta hasta si e ruman muher ta haci un rebishita pa mustra un doño di cas con nos ta dirigi un estudio di Bijbel of ta analisa algun informacion for di un di nos publicacionnan di estudio. Como cu nos lo tin cu rebishita un doño di cas varios biaha prome cu nos por papia di un estudio di Bijbel na porta, publicadornan tin cu uza sano huicio pa determina na ki momento un ruman muher mester cuminsa tapa su cabes.