Proclama e Berdad Tocante Hesus cu Celo

Nos celo ta aumenta ora nos sa con pa comparti e berdad tocante Hesus cu otro hende. Hesus ta e piedra principal di fundeshi riba cua berdadero fe ta ser edifica. (Efe. 2:20) Sin Hesus nos lo no tin speransa di biba pa semper. (Echo. 4:12) Pesey, ta importante pa tur hende sa ki papel Hesus ta hunga den e proposito di Dios. Debi na doctrinanan falso tocante Hesus, hopi hende ta ser engaña. Y lamentablemente, nan ta core e riesgo di perde e bendicionnan cu Dios ta priminti hende cu pone fe den Hesus. Nos celo pa e berdad lo motiva nos pa yuda hende di curason sincero haya conocemento exacto di Hesus, di e relacion cu e tin cu Dios y di e papel cu e ta hunga den e proposito di Dios. Durante e temporada di Conmemoracion, abo lo proclama e berdad tocante Hesus cu celo?