Nos A Cuminsa Prepara pa Memorial?
Tabata 13 di nisan di aña 33 di prome siglo. Hesus tabata sa cu esaki lo tabata e ultimo anochi cu e lo a pasa cu su amigonan di mas intimo prome cu el a ser ehecuta. Lo el a celebra su ultimo Pasco Hudiu cu nan anto despues institui un celebracion nobo, e Cena di Señor. Ta di compronde cu pa un ocasion asina importante mester a haci preparacion. Pesey, Hesus a manda Pedro y Juan bay haci e preparacionnan ey. (Luc. 22:7-13) For di e aña ey padilanti, tabata importante pa cristiannan cu kier celebra Memorial, of e Conmemoracion di e morto di Hesus, prepara pa e ocasion aki. (Luc. 22:19) Kico ta e cosnan basico cu nos tin cu haci pa prepara pa e Conmemoracion cu lo tuma luga dia 3 di april?
Loke Publicadornan Mester Haci:
Plania pa participa plenamente den e campaña pa invita hende pa e Conmemoracion.
Traha un lista di studiante di Bijbel, famia, compañero di scol, colega di trabou y conocinan pa asina bo por invita nan.
Lesa y medita riba e lesamento di Bijbel pa e Conmemoracion.
Duna e bishitantenan na e Conmemoracion un bonbini.