Repaso di Scol di Ministerio Teocratico
Lo considera e siguiente preguntanan na e Scol di Ministerio Teocratico den e siman di 28 di december 2015. E fecha prome cu e referencia ta indica e siman cu lo trata e informacion, ya asina cada ken por haci investigacion ora e ta prepara tur siman pa e scol.
Ta berdad cu David a trata su presonan di guera di un forma cruel, manera algun hende ta conclui for di 1 Cronicanan 20:3? [2 di nov., w05 15/2 pag. 27]
Con bin David a desplega un spirito generoso? Y kico por yuda nos demostra e mesun spirito aki? (1 Cro. 22:5) [9 di nov., w05 1/10 pag. 11 par. 7]
Kico David tabata kiermen ora cu el a bisa Salomon: “Conoce e Dios di bo tata”? (1 Cro. 28:9) [16 di nov., w10-S 1/11 pag. 30 par. 3, 7]
Kico e peticion di Salomon na 2 Cronicanan 1:10 ta revela tocante dje? Y con esaki lo yuda nos analisa nos oracionnan personal? (2 Cro. 1:11, 12) [23 di nov., w05 1/12 pag. 19 par. 6]
Segun 2 Cronicanan 6:29 y 30, kico Jehova so por haci, y pakico ta bon pa nos desahoga nos curason na dje den oracion? (Sal. 55:22) [30 di nov., w10-S 1/12 pag. 11 par. 7]
Dicon Asa a pidi den oracion pa gana e bataya contra un ehercito poderoso y di kico nos por ta sigur en conexion cu nos guera spiritual? (2 Cro. 14:11) [7 di dec., w12-S 15/8 pag. 8 par. 6–pag. 9 par. 1]
Kico nos por siña tocante e amor di Jehova for di e manera cu el a trata cu e erornan di Rey Jehosafat? Y ki efecto esaki mester tin riba e manera cu nos ta trata otronan? (2 Cro. 19:3) [14 di dec., w03 1/7 pag. 17 par. 13; cl pag. 245 par. 12]
Kico ta nifica “staciona [nos] mes” y “para”, y con nos por haci esaki awe? (2 Cro. 20:17) [21 di dec., w05 1/12 pag. 21 par. 2; w03 1/6 pag. 21 par. 15-16]
Ki recordatorio nos ta haya na 2 Cronicanan 21:20 tocante e morto di Jehoram? [21 di dec., w98-PA 15/11 pag. 32 par. 4]
Segun 2 Cronicanan 26:5, ken tabatin un bon influencia riba e hoben Uzias? Y con hobennan awe por beneficia di e experencia di cristiannan maduro den congregacion? [28 di dec., w07-S 15/12 pag. 10 par. 2, 4]