Watchtower BIBLIOTHEEK ONLINE

BIBLIOTHEEK ONLINE

Papiamento (Aruba)

mwb16 April pag. 3
Uza Palabra Bondadoso pa Anima y Fortalece Otro Hende

Nos Bida y Sirbishi Cristian—Tarea pa Reunion (2016)

mwb16 April pag. 3

TESORONAN DI E PALABRA DI DIOS | JOB 16-20

Papia na un Manera Bondadoso pa Anima y Fortalece Otro Hende

Un consehero mester fortalece otro hende

16:4, 5

Job tabata sintie deprimi y angustia. Pues, e tabatin mester di apoyo y animacion
Job su tres compañeronan no a bisa nada pa consol’e. Al contrario, nan a acus’e y asina aumenta su angustia

Bildad su palabranan skerpi a pone Job sclama di desesperacion

19:2, 25

Job a suplica Dios pa dun’e alivio; el a hasta pidi pa e muri
Job a enfoca riba e speransa di resureccion y a sigui persevera fielmente

Elifaz ta papia cu Job mientras Bildad y Zofar ta sinta wak

PERSONANAN CU A ACUSA JOB

Elifaz:

Kisas e tabata di Teman, un stad na Edom. Segun Jeremias 49:7, e habitantenan di Teman tabata bon educa
Di e tres supuesto consoladornan, Elifaz tabata aparentemente esun mas grandi y cu mas influencia. E tabata prome na palabra. El a papia tres biaha cu Job y a papia mas hopi cu e dos otronan

Su acusacionnan:

El a haci bofon di e echo cu Job tabata leal na Dios y a insinua cu Dios no ta confia su sirbidornan (Job 4, 5)
El a insinua cu Job tabata arogante y malbado y cu Job no tabata teme Dios (Job 15)
El a acusa Job di golosidad y inhusticia y a bisa cu hende no tin balor den bista di Dios (Job 22)

Bildad:

E tabata descendiente di Sua. Podise el a biba cerca di Riu Eufrates
E tabata esun di dos cu a hiba palabra; e tres biahanan cu el a papia, el a papia menos cu Elifaz pero su palabranan tabata mas skerpi

Su acusacionnan:

El a insinua cu Job su yiunan a peca y cu nan a merece e calamidad cu a bin riba nan. Ademas, el a bisa cu Job tabata sin Dios (Job 8)
El a insinua cu Job tabata un malhechor (Job 18)
El a bisa cu ta envano pa keda leal na Dios (Job 25)

Zofar:

E tabata un Naamatita, talbes di noordwest Arabia
E tabata esun di tres cu a papia y su acusacionnan tabata mas pisa cu esnan di Elifaz y Bildad. El a papia dos biaha

Su acusacionnan:

El bisa cu Job tabata papia cos sin pia sin cabes y a bisa Job pa stop di haci maldad (Job 11)
El a insinua cu Job tabata malbado y cu Job tabata gusta haci pica (Job 20)