4. Dios A Crea Nos pa Nos Sufri?

Dicon Ta Importante pa Haya e Contesta?

E contesta riba e pregunta aki tin efecto riba e manera cu nos ta mira bida.

Algo pa Pensa Riba

Ta zona logico cu Dios lo a crea Tera asina bunita y na mes momento crea hende pa sufri?

Ora hende pensa riba tur e sufrimentonan cu tin, hopi di nan ta haya duda tocante Dios. Nan ta cuminsa pensa cu (1) Dios no tin poder pa caba cu sufrimento, (2) Dios no ta interesa den caba cu sufrimento of (3) Dios no ta existi.

Pero e pensamentonan aki ta corecto?

Loke Bijbel Ta Bisa

Dios no a crea nos pa nos sufri.

E kier pa nos gosa di bida.

“No tin nada mihor pa hende, cu regociha y haci bon den su bida, y tambe cu tur hende por come y bebe y mira e bon cu tin den tur su trabou—esaki ta e regalo di Dios.”​—ECLESIASTES 3:12, 13.

Ora Dios a crea e prome pareha, el a duna nan tur loke nan tabatin mester pa nan por ta feliz.

E no tabata kier pa nan ni nan descendientenan sufri.

“Dios a bisa nan: ‘Sea fructifero y multiplica, y yena e Tera y haci esaki somete na bo.’”​—GENESIS 1:28.

E prome pareha a dicidi di desobedece Dios.

Como resultado, nan a causa masha sufrimento tanto pa nan mes como pa nan descendientenan.

“Pa medio di un hende pica a drenta mundo, y morto pa medio di pica, y asina morto a pasa pa tur hende pasobra nan tur a peca.”​—ROMANONAN 5:12.a

Dios no a crea nos pa biba sin su guia.

Mescos cu ta imposibel pa hende biba bou di awa, ta imposibel pa hende goberna nan mes.

“No ta keda na hende pa dirigi su pasonan.”​—JEREMIAS 10:23.

Dios no kier pa nos sufri.

E ta duna nos conseho cu por yuda nos evita hopi problema.

“[Mare] bo a pone atencion na mi mandamentonan! E ora ey bo paz lo tabata manera un riu.”​—ISAIAS 48:18.