5. Algun Dia Nos Lo Stop di Sufri?

Dicon Ta Importante pa Haya e Contesta?

Si nos sa cu algun dia nos lo stop di sufri, nos lo mira bida na un manera mas positivo y nos lo tin un mihor impresion di Dios.

Algo pa Pensa Riba

Hopi hende kier elimina sufrimento, pero no tin mucho cos cu nan por haci. Tuma nota di lo siguiente:

Aunke tin avance riba tereno di medicina . . .

• Atake di curason ta keda e causa principal di morto.

• Cancer ta mata miyones di hende tur aña.

• “Maleza contagioso ta sigui afecta humanidad. Algun di e malezanan aki ta existi caba, otronan ta nobo y tin algun cu a bini bek.” Esey ta loke Dr. David Bloom a skirbi den e revista Frontiers in Immunology.

Aunke tin prosperidad material den algun pais . . .

• Tur aña miyones di mucha ta muri. Esaki mayoria di biaha ta pasa na luganan unda hende pober ta biba.

• Miles di miyones di hende ta biba sin facilidadnan sanitario adecuado.

• Cientos di miyones di hende no tin acceso na awa limpi pa bebe.

Aunke hende sa mas tocante derecho humano . . .

• Na hopi pais, ainda tin traficacion di hende. Segun un informe di Nacionnan Uni, ta posibel cu e paisnan cu no ta combati e problema aki “no sa kico ta pasando of nan no tin e recursonan pa persigui e hendenan ey.”

  PA HAYA SA MAS

  Bay na jw.org y wak e video Kiko e Reino di Dios Ta?

Loke Bijbel Ta Bisa

Dios ta interesa den nos.

E ta sinti duele ora e mira nos sufri.

“[Dios] no a desprecia, ni a aborece e afliccion di esun cu ta afligi; tampoco e no a sconde su cara p’e; ma ora cu el a sclama na dje pa yudansa, el a tende.”​—SALMO 22:24.

“Tira tur boso inkietud riba dje, pasobra e ta interesa den boso.”​—1  PEDRO 5:7.

Sufrimento lo no keda pa semper.

Bijbel ta priminti cu Dios lo caba cu sufrimento.

Dios lo “seca tur lagrima for di nan wowo, y lo no tin morto mas; ni tristeza ni sclamacion ni dolor lo no tin mas.”​—REVELACION 21:3, 4.

Dios lo elimina tur loke ta pone nos sufri.

E lo logra esaki mediante su Reino. Bijbel ta describi e Reino aki como un gobierno real.

“E Dios di cielo lo lanta un reino cu nunca lo no wordo destrui, y e reino ey lo no pasa pa ningun otro pueblo ... E mes lo dura pa semper.”​—DANIEL 2:44.