Un Hofi Bunita

MIRA e tera ei! Ki bunita tur cos ta! Wak e yerba, mata, flor y tur e bestianan. Bo por mustra cua ta olifanti y cua ta leon?

Con e hofi bunita aki a yega na existi? Wel, laga nos mira con Dios a prepara Tera pa nos.

Prome, Dios a traha yerba berde pa tapa e suela. Y el a traha tur sorto di mata chikito y grandi, y palo. Mata cu ta crece asina ta yuda haci e Tera bunita. Pero nan ta haci mas cu esei. Hopi di nan ta produci cuminda pa nos cu ta smak masha bon.

Despues Dios a traha pisca pa landa den awa y parha pa bula den laira. El a traha cacho y pushi y cabai; bestia grandi y bestia chikito. Cua bestia ta biba den bisindario di bo cas? Nos no tin cu keda contento cu Dios a traha tanto cos pa nos?

Finalmente, Dios a haci un parti di Tera un luga masha special. El a yama e luga aki e hofi di Eden. E tabata completamente perfecto. Tur cos den dje tabata bunita. Y Dios tabata kier pa tur e Tera bira mescos cu e hofi bunita cu el a traha.

Pero wak e plachi di e hofi aki atrobe. Bo sa kico Dios a mira cu tabata falta? Laga nos mira.