Con Bida A Cuminsa Riba Tera?

Bijbel ta bisa tocante Dios: “Ta abo a crea tur cos.” (Revelacion 4:11) Bo ta kere esey? Algun hende ta bisa cu no ta existi un Creador. Si esey ta berdad, e ora ey nos ta na bida djis pa casualidad. Pero si ta Jehova Dios a crea bida, bo no ta kere cu bida lo tin un proposito?a Awor, laga nos wak kico Bijbel ta bisa tocante con bida a cuminsa y ki bon motibo nos tin pa kere loke Bijbel ta bisa.

1. Con universo a bin na existencia?

Bijbel ta bisa: “Na cuminsamento, Dios a crea cielo y Tera.” (Genesis 1:1) Mayoria di cientifico ta di acuerdo cu nos universo tabatin un comienso. Con Dios a crea universo? Dios a uza su forsa activo, esta, spirito santo, pa crea tur cos cu tin den universo, incluso galaxia, strea y planeta.—Genesis 1:2.

2. Dicon Dios a crea Tera?

Jehova “no a crea Tera pornada. Mas bien, el a form’e pa e ser habita.” (Isaias 45:18) El a crea Tera pa e ta un dushi hogar pa hende. Ademas, el a duna nan tur loke nan tin mester pa biba pa semper. (Lesa Isaias 40:28 y 42:5.) E cientificonan ta bisa cu nos planeta ta unico. Nan no a descubri niun otro planeta cu tin tur loke hende mester pa nan por biba.

3. Kico ta haci hende diferente for di bestia?

Despues cu Jehova a traha Tera, el a crea bida riba dje. Prome, el a crea mata y bestia. Despues “Dios a crea hende segun su imagen.” (Lesa Genesis 1:27.) Kico ta haci hende unico? Como cu Dios a crea nos den su imagen, nos tin su cualidadnan manera amor y husticia. Ademas, el a crea hende cu e capacidad pa por siña idioma y pa disfruta di arte y di dushi musica. Anto hende por cera un amistad cu nan Creador, esey ta algo cu bestia no por haci.

KICO MAS NOS POR SIÑA?

Laga nos wak ki prueba tin cu ta Dios a diseña tur loke tin den naturaleza, y wak ki bon motibo nos tin pa kere loke Bijbel ta bisa tocante creacion. Laga nos wak tambe kico nos bon cualidadnan ta siña nos tocante Dios.

4. Dios a diseña tur loke tin den naturaleza

Hende ta haya reconocemento pa diseño cu nan a copia for di naturaleza. Pero, ken tin cu haya reconocemento pa e diseñonan cu nos ta mira den naturaleza? Pasa e VIDEO. Despues, analisa e siguiente pregunta:

VIDEO: Kere den Dios (2:43)

• Kico ta algun diseño cu hende a copia for di naturaleza?

Ta hende a diseña y traha tur cas. Pero ken a diseña y crea tur loke nos ta mira den naturaleza? Lesa Hebreonan 3:4. Awor, analisa e siguiente preguntanan:

• Ki diseño den naturaleza ta impresiona bo?

• Bo ta haya cu ta logico pa kere cu tin un persona cu a diseña universo y tur loke tin den dje? Dicon bo ta pensa asina?

Bo tabata sa?

Bo por haya articulo y video tocante e topico aki riba jw.org bou di e serie titula “Un Persona A Diseñ’e?” y bou di e serie “Punto di Bista Riba e Origen di Bida.”

“Naturalmente, ta hende a traha tur cas, ma esun cu a traha tur cos ta Dios”

5. Nos tin bon motibo pa kere loke Bijbel ta bisa tocante creacion

VIDEO: Nos Universo A Ser Kreá?—Fragmento (3:51)

• Acaso Bijbel ta siña cu Dios a crea nos planeta y bida riba dje den seis dia di 24 ora?

• Bo ta haya cu e relato di Bijbel tocante creacion ta logico? Dicon bo ta pensa esey?

Lesa Genesis 1:1. Despues, analisa e siguiente pregunta:

• E cientificonan ta bisa cu universo tabatin un comienso. Con loke e cientificonan ta bisa ta cuadra cu loke bo a caba di lesa den Bijbel?

Tin hende ta puntra nan mes si Dios a uza evolucion pa crea bida, esta, cu el a crea un simpel cel y a laga esaki bira pisca, mamifero (of zoogdier) y hende. Lesa Genesis 1:21, 25, 27. Despues, analisa e siguiente preguntanan:

• Acaso Bijbel ta siña cu Dios a uza evolucion pa forma bestia y hende? Of el a crea tur “sorto” di bida?b

6. Hende ta un creacion masha special di Dios

Jehova a crea tanto hende como bestia. Sinembargo, hende ta diferente for di bestia. Bijbel ta bisa cu Dios a crea nos den su imagen. Lesa Genesis 1:26. Awor, analisa e siguiente pregunta:

• Como cu nos tin bon cualidad manera amor y compasion, ki tipo di persona bo ta kere Dios ta?

RESUMEN

Jehova a crea universo y tur ser bibo.

Repaso

• Segun Bijbel, con nos universo a bin na existencia?

• Acaso Dios a crea un simpel cel y a laga tur sorto di bida evoluciona for di e cel ey, of el a crea tur sorto di bida?

• Den ki sentido hende ta unico?

MAS INFORMACION INTERESANTE

Wak ehempel di algun cos den naturaleza cu ta mustra cu tin un Creador.

“Kico Nos Ta Siña for di Naturaleza?” (Spièrta! di september 2006)

Wak con un tata ta splica su yiu homber chikito e relato di creacion cu tin den Bijbel.

“Yehova ... A Krea Tur Kos” (2:37)

Wak si e teoria di evolucion ta cuadra cu loke Bijbel ta bisa.

“Dios A Uza Evolucion pa Crea Diferente Sorto di Bida?” (articulo riba jw.org)

Wak si fosil, of weso di antiguedad, y experimento cu algun cientifico a haci ta mustra cu bida a ser crea of si bida a origina pa casualidad.

El origen de la vida. Cinco cuestiones dignas de análisis (foyeto)