LES 42
Kico Bijbel Ta Bisa Tocante Bida Soltero y Bida Casa?
Den algun cultura, hende ta pensa cu si bo no casa, bo no por ta feliz. Pero, no ta tur hende casa ta feliz y no ta tur hende soltero ta infeliz. Bijbel ta bisa cu tanto bida soltero como bida casa ta un regalo di Jehova.
1. Kico ta algun beneficio di ta soltero?
Bijbel ta bisa: “Esun cu casa ta haci bon, pero esun cu keda sin casa lo haci mihor.” (Lesa 1 Corintionan 7:32, 33, 38.) Den ki sentido un persona soltero “lo haci mihor” si e no casa? Cristian soltero no tin e responsabilidad di percura pa un casa. Pues, generalmente, nan tin mas libertad. Algun cristian por haci mas den sirbishi pa Jehova. Por ehempel, pa nan kisas ta mas facil pa bay biba na un otro pais pa predica e bon noticia. Mas importante ainda, nan tin mas tempo pa fortalece nan amistad cu Jehova.
2. Kico ta algun beneficio ora cu un homber y un muher ta casa legalmente?
Bida casa, mescos cu bida soltero, tin varios beneficio. Bijbel ta bisa cu “dos ta mihor cu un.” (Eclesiastes 4:9) Esaki ta specialmente e caso ora cu un pareha cristian ta aplica principio di Bijbel den nan matrimonio. Ora un pareha casa legalmente, nan ta priminti cu semper nan lo stima, respeta y balora otro. Pesey, hopi biaha, pareha casa ta sinti nan mes mas sigur den nan matrimonio cu pareha cu ta djis biba hunto. Ademas, e yiunan ta lanta den un ambiente mas sigur ora nan mayornan ta casa cu otro.
3. Kico ta Jehova su punto di bista tocante matrimonio?
Ora Jehova a casa e prome pareha, el a bisa: “Un homber lo laga su tata y su mama, y lo e uni cu su esposa.” (Genesis 2:24) Jehova kier pa un esposo y un esposa keda hunto y stima otro pa resto di nan bida. Jehova ta permiti divorcio solamente ora un persona den e matrimonio comete adulterio. Den un caso asina, Jehova ta duna e casa inocente e derecho di scoge si e kier divorcia di su casa of no.a (Mateo 19:9) Jehova no ta permiti poligamia, esta, pa un cristian ta casa cu mas cu un persona.—1 Timoteo 3:2.
KICO MAS NOS POR SIÑA?
Wak con bo por ta feliz y con bo por haci Jehova feliz, sea cu bo ta soltero of casa.
4. Haci bon uzo di e tempo cu bo ta soltero
Hesus a considera ser soltero como un don, of regalo. (Mateo 19:11, 12) Lesa Mateo 4:23. Despues, analisa e siguiente pregunta:
Con Hesus a uza su libertad como soltero pa sirbi su Tata y pa yuda otro hende?
Un cristian cu no ta casa por ta feliz ora e uza su libertad como soltero mescos cu Hesus. Pasa e VIDEO. Despues, analisa e siguiente pregunta:
Con un cristian soltero por haci bon uzo di su tempo?
Bo tabata sa?
Bijbel no ta duna un edad minimo pa un hende por casa. Sinembargo, Bijbel ta anima un persona pa e warda pa casa te ora cu e “pasa e flor di hubentud.” Durante e tempo ey, deseo sexual ta fuerte y esey por stroba un hoben di tuma bon decision.—1 Corintionan 7:36.
5. Scoge bon cu ken bo ta casa
Un di e decisionnan di mas importante cu lo bo tuma den bida ta scoge un persona pa casa cu ne. Lesa Mateo 19:4-6, 9. Despues, analisa e siguiente pregunta:
Dicon un cristian no mester core casa?
Bijbel por yuda bo haya sa kico ta algun cualidad cu un hende mester tin pa e ta un bon casa. E cos di mas importante ta pa bo busca un casa cu ta stima Jehova.b Lesa 1 Corintionan 7:39 y 2 Corintionan 6:14. Despues, analisa e siguiente preguntanan:
Como cristian, dicon nos mester casa solamente cu un cristian cu tin e mesun creencianan cu nos?
Con bo ta kere cu Jehova lo sintie si nos scoge pa casa cu un hende cu no ta stim’e?
Si pone dos bestia cu ta hopi diferente for di otro bou di e mesun yugo, tur dos lo sufri. Di mes manera, un cristian cu casa cu un hende cu no ta sirbi Jehova lo hay’e cu hopi problema
6. Mira matrimonio manera Jehova ta mir’e
Den Israel di antiguedad, algun homber tabata divorcia di nan casa pa motibo egoista. Lesa Malakias 2:13, 14, 16. Despues, analisa e siguiente pregunta:
Dicon Jehova ta odia divorcio cu no tin base biblico?
Adulterio y divorcio ta causa hopi sufrimento pa e casa inocente y pa e yiunan
Pasa e VIDEO. Despues, analisa e siguiente pregunta:
Si bo ta casa cu un hende cu no ta sirbi Jehova, kico bo por haci pa boso por tin un matrimonio feliz?
7. Cumpli cu Jehova su leynan tocante matrimonio
Kisas un persona mester haci hopi esfuerso pa cumpli cu e leynan di Jehova tocante matrimonio.c Pero, Jehova ta bendiciona hende cu ta haci e esfuerso ey. Pasa e VIDEO.
Lesa Hebreonan 13:4. Despues, analisa e siguiente preguntanan:
Bo ta kere cu e leynan di Jehova tocante matrimonio ta rasonabel? Dicon si, of dicon no?
Jehova ta verwacht pa hende cu ta sirbie registra nan matrimonio y divorcio, como cu esey ta algo cu gobierno den mayoria di pais ta exigi. Lesa Tito 3:1. Despues, analisa e siguiente pregunta:
Si bo ta casa, bo ta sigur cu bo matrimonio ta legal y ta ser reconoci pa gobierno?
SI UN HENDE PUNTRA: “Dicon un pareha mester casa? Nan no por djis biba hunto?”
Kico lo bo contesta?
RESUMEN
Bida casa y bida soltero ta regalo di Jehova. Tanto hende casa como hende soltero por tin un bida cu ta duna satisfaccion y felicidad ora nan ta biba di acuerdo cu Jehova su boluntad.
Repaso
Con un persona por haci bon uzo di e tempo cu e ta soltero?
Dicon Bijbel ta bisa cu un cristian mester casa solamente cu un cristian cu tin e mesun creencianan cu ne?
Segun Bijbel, kico ta e unico base pa divorcio?
MAS INFORMACION INTERESANTE
Kico ta nifica casa solamente “den Señor”?
“Pregunta di Lector” (E Toren di Vigilancia di 1 di juli 2004)
Wak dos video cortico cu por yuda bo tuma bon decision ora ta trata di namoramento y matrimonio.
Wak dicon un ruman homber ta pensa cu loke Jehova a dun’e ta mucho mas valioso cu cualkier cos cu e mester a sacrifica.
Kico ta algun cos cu un hende mester tene cuenta cu ne prome cu e pensa pa divorcia of separa?
“Honra Dios Su Areglo di Matrimonio” (E Toren di Vigilansia di december 2018)
b Den algun cultura, ta e mayornan ta scoge un casa pa nan yiu. Ora esey ta e caso, un mayor amoroso ta busca un persona cu ta stima Jehova y no djis un persona cu tin placa of posicion importante den comunidad.
c Si bo ta bibando cu un persona cu bo no ta casa cu ne, ta keda na abo si bo ta kibra bo relacion cu e persona ey of si bo ta casa cu ne.