E Ta Practico Hasta pa Nos Tempo

DICON BIJBEL TA DISTINTO? Tin algun buki cu hende ta considera como excelente literatura, pero nan no ta sirbi pa guia hende. Awendia, constantemente mester revisa bukinan di instruccion. Di otro banda, wak kico Bijbel ta bisa di su mes: “Loke a ser skirbi anteriormente a ser skirbi pa nos instruccion.”​—Romanonan 15:4.

UN EHEMPEL: Bijbel no ta un buki medico, pero e ta contene sugerencianan practico cu ta yuda nos tin un mihor salud, tanto fisico como emocional. Por ehempel, e ta bisa cu “un curason trankil ta bida pa e curpa.” (Proverbionan 14:30) Ademas, Bijbel ta spierta nos cu “esun cu isola su mes ta busca su mes deseo; su furia ta lanta contra tur sabiduria sano.” (Proverbionan 18:1) Pero di otro banda, e ta bisa cu “tin mas felicidad den duna cu den ricibi.”​—Echonan 20:35.

LOKE INVESTIGACION A REVELA: Un hende cu ta generoso, trankil y amigabel ta disfruta di un mihor salud. The Journal of the American Medical Association ta bisa: “Hende cu no por domina nan rabia, tin dos biaha mas chens di haya atake celebral cu hende cu si ta domina nan mes.” Un estudio di dies aña cu nan a haci na Australia a mustra cu ora hende di edad tin “mas contacto social cu amigo y hende di confianza”, nan tin chens di biba mas largo. Y na aña 2008, investigadonan na Canada y Merca a descubri cu “un persona cu ta uza su placa pa yuda otro hende of pa duna regalo ta mas feliz cu esun cu ta uza su placa pa su mes beneficio.”

KICO ABO TA PENSA? Abo lo sigui conseho medico di cualkier buki cu a ser skirbi mas cu 2.000 aña pasa? Of Bijbel ta e unico?