PREGUNTA CU BIJBEL TA CONTESTA

Nos picanan por ser pordona?

Bijbel ta bisa cu tur hende ta pecador. Nos a hereda e tendencia di peca for di nos prome tata, Adam. Pesey, tin biaha nos ta haci malo y despues nos ta lamenta loke nos a haci. E Yiu di Dios, Hesucristo, a muri pa nos y asina a paga pa nos picanan. Pa medio di su morto nos por haya pordon pa nos picanan. E sacrificio di rescate ey ta un regalo di Dios.—Lesa Romanonan 3:23, 24.

Tin hende a comete pica serio, y nan ta puntra nan mes si un dia Dios lo pordona nan. Ta bon pa sa cu e Palabra di Dios ta bisa: “E sanger di Hesus, su Yiu, ta limpia nos di tur pica.” (1 Juan 1:7) Pues, Jehova ta dispuesto pa pordona e picanan di mas serio, basta nos ta arepenti di curason.—Lesa Isaias 1:18.

Kico nos tin cu haci pa Dios pordona nos?

Si nos kier pa Jehova Dios pordona nos, nos mester siña conoc’e. Esey ta encera compronde su camindanan, su consehonan y loke e ta spera di nos. (Juan 17:3) Jehova ta cla pa pordona hende cu ta arepenti di nan picanan y haci esfuerso pa cambia.—Lesa Echonan 3:19.

No ta imposibel pa haya e aprobacion di Dios. Jehova conoce nos debilidadnan. E ta un Dios misericordioso y bondadoso. Esey no ta duna bo e deseo pa siña mas tocante con bo por agrad’e?—Lesa Salmo 103:13, 14.