PREGUNTA CU BIJBEL TA CONTESTA
Ta posibel pa nos haya sa e berdad tocante Dios?
Dicon Dios kier pa nos conoce e berdad? Lesa Juan 17:3
Dios a uza su spirito santo, of forsa activo, pa comunica cu hende. El a pone su pensamentonan den mente di e escritornan di Bijbel. (2 Pedro 1:20, 21) Pues, nos por haya sa e berdad tocante Dios ora nos lesa Bijbel.—Lesa Juan 17:17; 2 Timoteo 3:16.
Dios a bisa nos hopi cos tocante su mes den Bijbel. Kico asina? Wel, el a bisa nos dicon el a crea hende, kico e ta bay haci pa humanidad y con e kier pa nos biba. (Echonan 17:24-27) Jehova Dios kier pa nos haya sa e berdad tocante dje.—Lesa 1 Timoteo 2:3, 4.
Kico Dios ta pensa di hende cu ta busca e berdad?
Jehova ta e Dios di e berdad, y el a manda Su Yiu, Hesus, pa siña hende e berdad. Hende cu ta busca e berdad ta acepta loke Hesus ta siña. (Juan 18:37) Dios kier pa personanan asina sirbie.—Lesa Juan 4:23, 24.
Satanas ta stroba hopi hende di conoce Dios door di plama siñansa falso tocante Dios. (2 Corintionan 4:3, 4) Hende cu no ta stima loke ta bon ta bay tras di e siñansanan falso ey. (Romanonan 1:25) Pero tin miyones di hende cu si ta stima loke ta bon. Anan ta studia Bijbel y ta haya sa e berdad tocante Dios.—Lesa Echonan 17:11.