Campaña pa Anuncia Memorial Ta Cuminsa 17 di Maart
1. Cua campaña lo cuminsa 17 di maart?
1 Tur aña ora nos tene Memorial, nos ta proclama e morto di Hesus. (1 Cor. 11:26) Ta pesey nos kier pa otro hende bin scucha tocante e regalo generoso di e rescate cu Jehova a duna. (Juan 3:16) E aña aki nos campaña pa invita hende pa Memorial ta cuminsa diasabra 17 di maart. Bo ta ansioso pa participa plenamente den dje?
2. Con nos por ofrece e invitacion?
2 Loke Nos Por Bisa: Ta mihor pa nos tene nos presentacion cortico. Nos por bisa: “Con ta bay? Nos kier invita abo y bo famia na un evento anual masha importante cu lo tuma luga rond mundo dia 5 di april. Lo tin un discurso basa riba Bijbel cu lo splica kico Hesus a logra cu su morto y kico e ta haci aworaki. Entrada lo ta gratis. Riba e invitacion aki bo ta haya adres di e luga y ora di e reunion.” Den weekend, aparte di parti invitacion, nos por ofrece revista tambe, si ta apropia.
3. Kico nos por haci pa invita mas tanto hende posibel?
3 Invita Mas Tanto Hende Posibel: Nos meta ta pa invita mas tanto hende posibel. Pues haci sigur di invita tur bo studiantenan di Bijbel, tambe bo rebishita-, famia-, colega- di trabou, compañero- di scol, bisiñanan y otro hende conoci. Ancianonan local lo splica e congregacion con lo cubri e teritorio. E campaña anual aki ta duna bon resultado. Aña pasa, un usher a acerca un señora cu a drenta e sala di reunion y a puntr’e si e por a yud’e busca e publicador cu a invit’e. Sinembargo, e señora a bis’e cu e no conoce niun di e hendenan cu tabatin eynan y cu ta e dia ey el a haya e invitacion di un hende cu tabata cana di cas pa cas.
4. Kico ta duna nos motibo pa participa cu celo den e campaña?
4 Kisas un hende cu asisti na boso Memorial a bini pasobra ta abo a dun’e un invitacion. Pero sea un persona bini Memorial of no, e solo echo cu bo a haci un gran esfuerso pa invit’e ya ta un testimonio. E invitacionnan cu lo bo parti ta proclama cu aworaki Hesus ta un Rey poderoso. Ademas, bo participacion celoso ta mustra tur persona cu ta wak bo, esta, esnan den teritorio, otro publicador, y mas importante ainda, Jehova, cu di curason bo ta aprecia e regalo di e rescate.—Col. 3:15.